Popular Bible Verses from Lucuotuv 2

Share

Piter ta, Nama bangkhuo hingta sue a ngiethepa nama cuo riypata nama suena kha a ngiepachiy ungla Zingsuv Khrih ming ta tiy a naw tie ung; cacuokieca Khazing lasaw Thlaapa Pathe kha nama hmung aa.

Iema ca lucuotuv tie pacuvna hne zangtuv tie a viesaana luo kha a pi karue yite, a viesaana sa ningpakhawna hne thlaachuo pakhawna kha ama hnyi pari.

Iema bangkhuo ca Thlaapa Pathe ta bi yite Thlaapa ta a pipa yi cyicuo haakhata ryi hrangpa kha ama cyi.

Sungkhabala ta vuoruo taata ueryi suokha ca thliysung pu haata za paring te amaa tunapa ing kha a bi diy. Aa chepa palyi ca myipalyi haata iema hrawlie kha zaa luo te myipalyi suokha cyicuo ca iema pakha cyicuo cunglie kha aa cang. Iema bangkhuo ca Thlaapa Pathe ta bi yite Thlaapa ta a pipa yi cyicuo haakhata ryi hrangpa kha ama cyi.

Ning kha hnang ning kha, ama cuo hnyipa hluv vie bangkhuo kha biena-ing lie hmuo yite, ama ing lie kha sa ning a hraw yite pahyana hne palung tluosa pata ama ning. Khazing kha pathuosa yite cawsaa bangkhuo hmielie hmiephaa ama hmung. Cahaa cata Abyipa ta khuona a hmungpa tie kha ning kha hnang ning kha ta ama buv luo a chachiy yi.

‘Khazing ta, Ningchuonapa lieca cawsaa bangkhuo kha i Thlaapa bya'a yi ang te, nama sacanung hne saacapaa tie ta bie ama phu aa, nama thutlie tie ta muocuo hmung'a yite, nama macuo tie ta muo ama sa aa.

A zangpa bangkhuo kha aw pakhaw yite chechiy bangkhuo kha amaa hraw; ama hnyipa hmang kha zaa yite ama hmungpa tuokaa kha amaa huna cyicuo haakhata amaa re.

Cakhutaata Abyipa ming a upa bangkhuo ca khuona ama hmung aa,’ a ta.

A rungnaapa hne a lesyipa Abyipa ning a vaw hluo ta Ning khiy zing'a te, thlaapa khiy thiyse haata a se aa.