Popular Bible Verses from Psalms 31

Share

Mandaj Diosta tucui shuyajcunaca, shinlli tucuichi. Cangunapaj shungupipash, cushijuita japichi.

Ñuca causajui huatacunaca, cambaj maquipimi. Ñucata fiñajcunapaj maquimanda, ñucata catiriashpa llaquichij runacunamandapash cacharichihuayari.

¡Cambaj juyaica jatunmari! Chaitaca, canda manllajcunamanmi alichishcangui. Huañuna aichayu runacunapaj ñaupajpimi, chai juyaitaca canda shuyajcunaman ricuchishcangui.

Ashtahuangarin ñucaca, canda yariashpami causajuni, Mandaj Dioslla. Ñucaca: “Canmi, ñuca Taita Dios cangui” nijunimi.

Canmi, ñucapaca jatun Rumishna, shinlli jatun huasishna capangui. Cambaj shutimandami ñucataca, cambaj ñambi cuidashpa pushahuangui.

Ñuca espiritutaca, cambaj maquipimi mingapani. Na llullaj Mandaj Taita Dioslla, canmi ñucataca quishpichihuarcangui.

Mandaj Diospajlla causaj tucui cangunaca, paita juyaichiyari. Paita cazujcunatami, Mandaj Diosca huacaichin. Ashtahuangarin jariyashpa imatapash rurajcunamanmi, ashtaca llaquicunata cun.

Mandaj Dioslla, canda yariashpami causajurcani. Ñuca pandachi tucujuchunga, ima horapash ama saquihuaichu. Imatapash cashcatapacha rurashpa cacharichihuayari.