Popular Bible Verses from FILIPENSES 1

Share

Shina alita rurachun callarichij Diosca, Jesucristo tigramui punllacamanmi, ashtahuan aligutapacha pactachinajuchun, ushaita caranga. Chaitaca alimi yachani.

Ashtahuan juyarishpa, imaguta yachajunapipash, aliguta yarishpa yachajuna ushaita carachunmi, Diostaca mañajuni. Shina yachajushpami, imatapash aliguta ruranata yariaj causanguichi. Shina causashpami, Cristo tigramui punllapica, ima nalitapash na rurashca cashpa, na juchachi tucunguichi.

Shinamandami ñucaca causajushpapash, Cristopajlla causajuni. Huañushpapash, pai carasha nishcatami japigrisha.

Cangunata yariashpami, ñuca Taita Diostaca pashi nishpa mañajunilla.

Cristomanda ali villaita yachajushcashna, aliguta causapanguichi ninimi. Cangunapajman shamushpapash, na shamushpapash, canguna crishpa shujllashnalla tucushpa, alipacha catinajun nijta uyangapajmi munani. Ali villaita crishpa, tucuilla shujllashnalla tucushpa, imagutapash ninanda ruranajun nijtapash, uyangapajmi munani.

Chaimandami ñuca munashpa yarijushcashna, imapipash na pingai tucusha. Cristo ñucaman ushaita carashcata yariashpami, pundamandapacha ricuchircani. Chaitaca causashpapash, huañushpapash, ashtahuan juyaillagutapachami cunambipash ricuchingapaj munani.

Cristomandaca, na paita crinatalla Diosca carashcachu. Ashtahuangarin paimanda llaquita apanatapashmi carashca.