Popular Bible Verses from LUCAS 17

Share

Shina nishpallami Jesusca, cashna nirca: —Jatarishpa rilla. Canga, ñucata crishcamandami quishpirishcangui— nircami.

Shinallata chai punllalla canchiscaman canda fiñachishpami, juchata ruranga. Chashna rurashpapash: ‘Ninanda llaquiripanimi’ ningapaj, canchiscaman shamujpica cunganguilla” nijurcami.

Shinamandami, paicuna puramanda shuj runaguca, ña ali tucushcata ricushpa, Taita Diostaca punchapambagumi cangui nishpa caparishpa, Jesuspajman tigramurca. Shina tigramushpaca, cungurishpa alpaman chayajta cumurishpami, pashi nijurca. Chai runaguca, Samaria llactamandami carca.

Cangunallata aliguta yarishpami, causana canguichi. Maijan crijpash, canda fiñashpa juchata rurajpica, jarcashpa rimangui. Shina rimajpi ninanda llaquirijpica, pai canda imata rurashcatapash cungangui.

Shinamandami Jesusca, cashna nirca: —Lepra ung:ui illaj tucushcacunaca, ¿nachu chungapura carca? ¿Iscun puracunaca maipita?

Shina nijpimi Apunchi Jesusca, cashna nirca: —Jamzi mostaza muyu valigutallapash crishpa, cai sicómoro nishca quiruta: ‘Sapindi llujshishpa, mama cuchapi shayaringapaj ri’ nijpica, cazushpa rinmanllami.

Maijambash paipaj causaita quishpichingapaj munashpaca, chingaitami chingagringa. Ashtahuangarin paipaj causaita na llaquishpa huañushpaca, quishpiringami.

Jesusca, paipaj yachajujcunatami cashna nijurca: “Gentecuna nitijachinshna pandachinaca tiangapachami. Ashtahuangarin maijan pandachijca, ¡aij imachari tucunga! Maijandapash cai huahuagushna ñucata crijcunata pandachij runataca, jatun molino rumita cungapi huatashpa, mama cuchapi shitashpachari ashtahuan ali canman.

Runa Aichayu tucushca ñuca shamui punllapica, ñaupa taita Noé causajui punllacunapi tucushcashnami tucunga. Chai punllacunapica, jatun huambuna huasiman Noé yaicungacamanmi, gentecunaca micushpa, ufiashpa, cazarashpa, cazarachishpa causanajurca. Shina causanajujpimi, Taita Diosca yacuhuan tucuilla tucuchirca.