Popular Bible Verses from JUECES 6

Share

Chaipimi, Mandaj Diospaj ángel paiman ricurishpa, cashna nirca: —Ninan shinlli, imatapash na manllaj runa, Mandaj Diosca canhuanmi— nircami.

Mandaj Diosca, paipaj ñavita ricushpami cashna nirca: —Israelcunataca, cambaj tucui ushaihuan shinlli tucushpa, madianitacunapaj maquimanda llujchigri. ¿Nachu ñuca candaca cachajuni?— nircami.

Shina nijpimi Mandaj Diosca, cashna nirca: —Na llullashpami nini, ñucami canhuan casha. Madianitacunataca, shujlla runatashnami mishangui— nircami.

Shina nijpimi Gedeón runaca, cashna nishpa tigrachirca: —Ñucata mandajlla. Mandaj Dios ñucanchihuan cajpica, ¿imashpata tucui cai jatun llaquicunaca shamushcayari? Ñucanchi taitacunaca: ‘Mandaj Diosmi ñucanchitaca, Egiptomanda llujchimurca’ nishpami parlanajurca. Tucui chai juyaillacunata pai rurashcacunaca, ¿imata tucushcayari? Ashtahuangarin cunanga, Mandaj Diosca ñucanchitaca jichushpa saquishpami, madianitacunapaj maquipi churashca— nircami.

Shina nijpimi Gedeón runaca, cashna nishpa tigrachirca: —Ñucata mandajlla. Ñucaca, ¿imahuanda israelcunataca quishpichishayari? Ricui, ñuca familiacunaca, Manasespaj aillu purapica, imagutapash na charijcunamari. Ñuca taitapaj huasi ucu purapica, ñucami tucuicunapaj jipa capani— nircami.

Mandaj Diospaj ángel shamushpaca, Ofra shuti pambapi encina nishca quiru ucupimi tiarirca. Chai pambaca, Abiezer shuti runapaj miraipura Joás shuti runapajmi carca. Chai Joás runapaj churi Gedeón shuti runami, madianitacunamanda pacajushpa, uvasta cutana pushtupi trigota pacalla huairachijurca.

Chaimandami Gedeón runaca, Mandaj Diosman shuj altarta chaipi rurarca. Chai altartaca: “Mandaj Diosca, casilla ali causaigutami caran” nishpami shutichirca. Chai altarca, Abiezer shuti runapaj miraicuna causanajuj Orfa shuti pueblopimi, cunangaman tiajun.

Shina nijpimi Gedeón runaca, cashna nishpa tigrachirca: —Cambaj ñaupajpi ñuca ali ricurishca cajpica, can ñucahuan parlashcata yachangapaj, shuj rurashcata ricuchihuayari nipanimi.

Shina nijpimi, Mandaj Diosca: —Ama manllaichu, na huañunguichu. Casilla ali causaigutami charingui— nirca.

Israelcunaca, Mandaj Diospaj ñaupajpica, nalitami ruranajurca. Chaimandami Mandaj Diosca, canchis huatacaman llaquichi tucunajuchun, madianitacunapaj maquipi churarca.