Popular Bible Verses from Kadadiam 50

Share

Aka moi anna ungkalebuia' indo gau' kadake umpogausannä', sapo' gau' ia too napopangkakka' Puang Allataala tama kaleku, anna malaä' umpesäkäi sungnga'na tau buda tentomai.

Sapo' naua Yusuf: <<Daa ungkahea'ä', aka Puang Allataala hakä' too kao anna la kupasalakoa'?

Dadi, daa ummahea'a' aka ingganna kapahalluammu sola pandadiammua' la kubeengkoa'.>> Malutte' Yusuf ma'kada lako solasubunna napamattangam penabanna.

<La untulasanna' Yusuf muua: La muampunni kasalaanna sola dosana solasubummu lako kalemu.> Dadi kela mala muampunni kasalaanna inde mai sabua'na Puang Allataala to napenombai ambemua'.>> Tappana dipalandasam Yusuf indo tula'na solasubunna, iya sumahhom aka mapi'di' penabanna.

Iya nauam Yusuf lako solasubunna: <<Mahuku'um kamateangku, sapo' la naundu' dakoa' too Puang Allataala messubum illaam mai inde botto, lao lako botto to puha nadandi lako Abraham, Ishak anna Yakub.

La Puang Allataala hi too muundu'koa' messubum illaam mai inde botto.>> Mane ussuai pessubunna Israel ma'dandi tä' mala tala nababa duka' bukunna lako Kanaan.

Wattunna anna matei Yusuf dio Mesir sahatu' sapulom taunna dadinna. Iya disussuim duka' bauam bubanau' bakkena indana bosii, mane dipatamai patti.