Popular Bible Verses from Zhaŋe 19

Share

Kwa mɓisəakɛ tɛa shɛ Yɛsə, ma ke: «Nahe slene ta ɗa kekiɗi gɛ.» Pa ŋate ghə, mtiwə ŋkɛ.

Kwetere wəmbəa ŋkɛ ne, nahe Yɛsə keɗepe pɛtɛ ŋkɛ kekiɗimte slene ta ŋkɛ tsetsenya. Kezha menete geva wəshi nyi kerafete geva mbe Ghena ta Shala kaganda ne, ma ke: «Shewə 'ya va ndere.»

Pa Yɛsə nakɛ meghekɛ, hɛ le kwete mcɛnyɛ nya ɗe ŋkɛ za ma hwa mbeli nyi ketəkwə təkwə. Ma ke sha meghekɛ: «Male, wa nya wəzege ta ŋa nya.» Ma ke sha wəndə nya ketəkwə təkwəa shɛ: «Wa nya meyɛ ŋa nya.» Ghala se te vecia shɛ ne, pa wəndəa shɛ keleghe kalə sha ghɛa ŋkɛ.

Kwa se hɛ yitea Yɛsə, newe ke hɛ ne, nahe ŋkɛ kemte. Vatse ɗema hɛ ɓele seɗa ta ŋkɛ. Ama pa kwete sewajɛ mpahwemte slerepe ta Yɛsə le megha. Te ŋkwa shɛnyɛ, ŋkeɗe mimi le yɛmə same kwa.

Pɛtɛ wəshi nyi kemenete geva yitea yipəyi geva wəshi nyi kerafate geva mbe Ghena ta Shala, ma ke: «Kese mbeli ɓele 'yɛ'yɛa ŋkɛ ya kwetɛŋe we.» Ma ke kwete ghena mbe Ghena ta Shala ɓiyitsa: «Katenewe wəndə nya mpahwemte hɛ hɛ.»

Le sheghwə kwa zleŋkwa ta ŋkɛ ne, pa Yɛsə shave mbe meleme ba'a ntsehe te ŋkwa nya heka mbeli kaŊkwa 'yɛ'yɛa ghə, nya heka mbeli le ghena ta ka Ɛbrə kaGolgota.

Pa ka sewajɛ nderete tigə kala derə meghe, pa hɛ veyi nda mbe ghə ke Yɛsə. Pa hɛ seɗaghe nda gare kwa gheme kala meghe.