Popular Bible Verses from Yuhanna 17

Share

Sachchaai se u sab ke pawitr karo kaahe ki tumhaar vachan sachcha hei.

Anant jeewan ke matlab hei ki ulog tumme, ek sachcha Parmeshwar jaani, aur Yeeshu Maseeh ke bhi jaani jon ke tum bheja hei.

Ham khali u sab ke khaatir nai, lekin ulog ke khaatir preya karta hei jon sab uske vachan se ham pe biswaas kari. Hamaar binti hei, He Pita, u sab ek hoy jeise ham tum meñ hei aur tum ham meñ hei, wahi rakam u sab ham meñ bhi rahi, jisse dunia boli ki tumahi hamme bheja hei.

Ham i preya i khaatir nai karta ki tum u sab ke dunia se uṭhaay lo, lekin i kaaran ki tum ulog ke saitaan se bachaay ke rakhna.

Jon mahima tum hamme dia hei, wahi ham u sab ke dia hei ki jisse jeise ham ek hei, u sab bhi ek hoy jaay. Ham u sab meñ aur tum ham meñ hei ki jisse u sab puura rakam se ek hoy jaay, aur dunia jaane ki tum hamme bheja hei, aur jeise tum ham se prem kara hei, weise u sab se bhi prem kara hei.