Popular Bible Verses from Yuhanna 12

Share

Agar koi hamaar sewa kare maañge hei to hamaar pichchhe hoy le, ki jisse jahañ ham hei huañ hamaar sewa kare waala bhi rahi. Aur hamaar Pita uske aadar kari jon hamaar sewa kare hei.

Jon aapan laaif se pyaar kare hei, uske khoy dei, aur jon aapan laaif se prem nai kare hei aur dusra ke khaatir jie hei, uske anant jeewan mili.

Ham tum se sachche bolta hei, jab tak geñhu ke ek daana maṭṭi meñ gir ke mar nai jaay hei, tab tak u akele rahe hei, aur jeisehiyeñ u daana mar jaay hei, u bahut fare hei.

Ham dunia meñ añjora ban ke aaya hei ki jon koi bhi ham pe biswaas kari, u añdhera meñ nai rahi.

Agar koi hamaar sandesa sune aur uske mutaabik nai chale to ham uske dos nai dega kaahe ki ham sansaar ke dos lagaay ke khaatir nai, lekin uske bachaay ke khaatir aaya hei.

Tab Meri lagbhag aadha leeṭa bahut mahañga aur mahke waala pefeum laay ke Yeeshu ke goṛ pe ḍaar ke aur aapan baar se uske goṛ pochhis. Uske mahak se puura ghar mahke laga.

Tab u sab log khajuur ke ḍaari leke Yeeshu se mile ke khaatir chal deen, aur chillaay ke bole lagin, “Parmeshwar ke jay ho! Prabhu ke bagal se jon aay hei, uspe Prabhu ke aasheesh hoy! Prabhu ke aasheesh Israayel ke raaja pe bhi rahe!”

Yeeshu tab jawaab dees, “U ṭaaim aay gais hei jab Manush ke laṛka ke mahima mili.