Popular Bible Verses from Ạsuor 18

Share

Ọmoogh-we phọ kụ aḍighiigh ạmi rꞌotu-ịikpo ạmi rꞌỌpelia ạmi, Ẹnaan ạmi rꞌaḍighiigh ạmi dị ruuko ghan ịmi. Ọdi kụ aḍighi ọsuaram ikpo dị mị kaḍuom ghan ologhi, ọphaal ạpeleeny ạmi rꞌotu ạnyu ạmi.

Ẹnaan phọ ẹphen, areten phọ ọdi eseleman ni. Ikpo ọnhu Ọmoogh-we phọ ịlo oḍuom-ologhi. Ọdi kụ ọsuaram ikpo esi oomo ạbuphe oḍuom bọ nyọdi ologhi.

Mị ạmagh Ọmoogh-we phọ, kụ ọdi ụphel ịmi ḍịghaagh ẹpomoghian phọ ạmi. Iboom Ọmoogh-we phọ!

Igbo ịiḅaghami phọ ạmi mị ạmagh Ọmoogh-we phọ; Mị ạlom Ẹnaan phọ ạmi ọlhoghonaan ạḍighaagh; Sịphe otu iigbia phọ ọdi, ọdi ạnaghan ẹḍogh ạmi; Ọdi ạnaghan emoghi ịlom ọlhoghonaan ạḍighaagh phọ ạmi.

Ọmoogh-we, ụngo ịmi ḍịḅaal; nạ maphorogh ufiri ạmi.

Ọdi kụ Ẹnaan phọ ẹsighe bọ ịnyaam ịghoroghiom ịmi, kụ eselemi bọ reten phọ ạmi.

Ọmoogh-we phọ odi ni. Ạḍiseph ẹrolonaan ḍighiigh phọ ạmi, Ọmoogh-we phọ, Ọpelia phọ ạmi odi bọ kꞌạke phọ.