Popular Bible Verses from Matiu 24

Share

Kụ ịkaraph keleeny ni eleeny dị tụtu ẹphomoghian ịbadi awe kẹephoom ni. Kụ oye lọ ạkparam ạteeny eekuna phọ kạmoogh ni pẹleeny.

Ḅịle ooḅi ọghaaph ọmar phọ kꞌẸnaan phọ ọphon kọkaaph ni oleenye oomo aḅirini phọ, ọgba oleenyemi oomo ạrama, kụ eekuna phọ egbi ọteeny.”

Nyina kẹnaghan oghur ạraagham lọ mẹebeeph, rꞌọghaaph ạraagham lọ edi egher. Kụ ọlo kékiilaan. Ạraraar phọ ịphen kemiteghu ni, kụ eekuna phọ kẹ̋teeny.

Eelhe kotuphiom ni eelhe ẹgham, ẹmha otuphiom ẹmha, kụ ade phọ kepiigha ni, ịgbakuro kẹtol li ịminighan arikpisi. Kụ oomo ạraraar phọ ịphen phọ kụ emiighom ịminimiin.

Ạke phọ rꞌade phọ kepe ni. Ikpo ọnhu phọ ạmi képe aani.”

Ịbadi kotu ni kụ okophora ḍien phọ ạmi kụ ọḅem ghan mọ ạbuno kụ aMesaya phọ kụ ookeleghi ḍita.

“Kịḅogh ni inyina ọngo mọ ọmiine kụ ịze inyina, kụ awe oomo areelhe kịlogh ni inyina ḍien loor ẹmhu phọ ạmi. Ịbadi awe kọkanyanu ni sịphe omeeraam mọ ạbidi, oniin abool nyoniin, oniin ạlogh nyoniin ḍien. Ịbadi ariil ọkpe komite ni kụ ookeleghi ịbadi awe.

Kụ ạJizos ạḅeni bịdi mọ, “Igona loor anyina, ọbo oye kiikeleghi ghan bọ inyina.

Esi ịduon phọ, igon ni. Amem mọ ọpo nyina íḍuom bọ ologhi kụ ẹdi Ọony phọ Oye katu bọ.”

“Ịduon kụ iḍighi kụ igon ghan. Nyina ílegheri ọdo phọ aḍio phọ Ọmoogh-we phọ anyina katigheel bọ.

“Kụ ịlo aḍio phọ ạḍiphe rꞌamem mọ ạmuphe, ọnon oye ólhegheri omuton Ọde phọ bịn. Ạruukpaany phọ odi bọ kꞌạke, rꞌỌony phọ, úlegheri.

Ariil ọkpe rꞌạbudi kokola ḍien aMesaya komite ni oḍighi yogh igbogh areḍeenaan rꞌịiḍaany, lọ ẹghigh, ịlo ookeleghiom ạbuphe Ẹnaan mẹsaḅar bọ.

Kụ ịdipho ẹrol bọ mem mọ aNoa kụ ịdi kẹtol mem mọ Ọony phọ Oye katu bọ. Ịdipho ẹrol bọ siḍughul-otu phọ ịpe retu bọ ọteeny amem mọ ạmuum-aḍigho phọ, awe ule ni eḍien ọḅile ọphughologh, alephiri ạnmuny rꞌạnmariir ạalan yogh ni ilom, tụtu ẹteeny bọ ọkaraghi aḍio phọ aNoa aḍigh bọ oghuugh phọ; kụ ạri bịdi úlegheri ịpe remite bọ tụtu ạmuum-aḍigho phọ aru bọ aghughom bịdi ạḍuanam. Ịdipho kụ ịdi kẹtol mem mọ Ọony phọ Oye katu bọ.