Popular Bible Verses from Matiu 11

Share

“Oomo phọ anyina rekumuan bọ ịikpara arukumuan phọ kụ erool bọ dool dị ẹemor, itu mị kịngo inyina ophooghian.

Ịsighe ọfeguma phọ ạmi ẹgban rụpha anyina, eru mị ịtughemi inyina, emeera mị ụpamaghan ghuḍum mọ anyina. Mị oye ọopho ologhi rꞌosooromi aloor kụ nyina kẹmoogh ni ophooghian.

Ọfeguma phọ mị kịkaanaan bọ inyina ạnighe ni, kụ adool phọ mị kịngo bọ inyina ọgban phọ keephoogh ni.”

“Oomo phọ ạraraar phọ ịphen Ọde phọ ạmi kụ ạḅogh ni ụngo ịmi, kụ oye dị alegheri Mọony phọ ólho, emuton Ọde phọ; ḅịle kẹn oye dị alegheri Ọde phọ ólho, emuton Mọony phọ rꞌoye lọ Ọony phọ kụ aḍeenaan.

ẠJizos mọ, “Ikeel ẹghaaph ịphen nyina rẹnaghan bọ ẹḅile bọ rẹmiin, ẹḅeni Jọn. Awe ikpom ariḍien mọmiin aani eten, ạrukugha moḅerenu aani rotelhe yogh, awe ẹzegh ọku ufe moḍumogh aani, ạbuḅaaghaph ḅạaghaph rọnaghan aani ḍụghum, moḅerion bụphe momuughu bọ ọngo ghuḍum, mọghaaph ooḅi ọghaaph Ẹnaan ọḅeni aani rukulom.

Ọlo ạmoogh rụru ọnaghanam ạḍughum ạnaghan!