Popular Bible Verses from Malakai 3

Share

Ẹkpe ni dị nyina kẹsighe iruom ịmi ịḅel esi aḍioph ikpoki anyina eru ẹlogh sịphe Otu Ịiḅereghi phọ pịdi eḍien emuza sịphe phọ. Kụ ẹrol nụun ẹmiin mụghumo mị kakunyon rughuugh kꞌạke phọ kụ iikuanaan inyina amuzeḍi oomo igey ạraraar phọ.

Mị kámeera mọ asuogh-aben ephiemi ịizupha phọ anyina, ḅịle kẹn ịizupha ireeny avain phọ anyina kemuum ni emuzeḍi. Pọ kụ amem dị awe oomo areelhe kịmagh inyina mọ awe ọḅaal ologhi loor esi dị ade phọ anyina keḍighi ni egey esi orugh.

“Bịdi koḍighi ni weye ạmi,” Ọmoogh-we Oomo Ịikpo phọ kụ ạḅem. “Ḍio phọ ạḍiphe mị kạnya bọ, bịdi kọkaraghi ni oḍighi bụo ạmi. Mị kạnma ni bịdi ighirigiir, ịdipho ọde rạnma ghan bọ ighirigiir mọony lọ rakumu ghan nyọdi. Awe phọ ạmi kọḅile kẹn ni kụ ọmiin ọgbaranaan dị kạtol esi ạraraar dị kemitenaan weye aruukuan phọ rꞌạbukaraph awe phọ, oye phọ ọpo rukumu bọ ịmi ḅịle kẹn rꞌọpo rákumu bọ.”

Ọmoogh-we Oomo Ịikpo phọ ạpagharanaan, “Mị katom ni ọokpaany ạmi mọ aselemi eten useenaan ịmi. Kụ Ọmoogh-we phọ ọpo nyina rẹwa ghan bọ katu ni ekperenom sịphe Otu phọ ọdi. Ọokpaany phọ ọpo nyina rẹwa ghan bọ ọmiin phọ katu ni agbeelom ịyo phọ ạmi.”