Popular Bible Verses from Ẹḍua 2

Share

Kụ Ẹnaan ẹnaghan ịḅiphighu phọ ạbidi kụ ẹetughian ịyo phọ ọdi aghiran bọ rꞌEbraham rꞌẠizik rꞌạJekob. Ọdi ạmiin dọl ạrebene awe phọ Ịzirel kụ ạnmanaan bịdi ighirigiir.

Ịman ni sịa kụ ọdaam eelhe phọ Ijipt amugh, kụ awe phọ Ịzirel rọkunuma ghan dọl ạrebene phọ ạbidi, kụ omoghi ghan ọmoogh ạpeleeny. Kụ Ẹnaan ẹnaghan emoghi ịminimiin phọ ạbidi.

Kụ ọony phọ rọmanam kụ ạnir phọ ạsighe nyọdi aḅulemi ạghiom ọnyani ọdaam eelhe phọ. Kụ ọdi ạsighe ọony phọ mọ ọlo ọno. Kụ ọdi ạatughian mọ, “Mị ụḅom nyọdi ologhi ạmuum kụ iḍighi kụ mị akol ḍien ọdi mọ aMozis.”

Ọnyani ọdaam eelhe phọ ạḅeni ạnir phọ mọ, “Pạm mọony phọ ọphon agheelom, uukonominaan imi, mị kạkpe ni nyịna ikpoki arookonom.” Kụ ạnir phọ ạpham mọony phọ agheelom aakonom.

Kụ ọnyani ọdaam eelhe phọ aru esiḍia owura ạmuum, kụ ạnmanyaan-otu ọdi orelhe yogh ghan ẹpe ọgbal ọphiiny phọ. Kụ ạmiin egunum mọ sịphe ikpu phọ, kụ arom oniin ọnyani phọ mọ ạghi ạsighe aruom nyịno.

Eniin aḍio, mem dị aMozis mạmanam, ọdi amite ni ạghi ophogh ạbuo aHibru awe phọ ọdi, kụ ạmiin ịdi ọkpaariom ghan bịdi oḍighi ịikpara iiḍighi. Rọmiin dị ọnyo Ijipt rakuphogh oye ọlo aHibru, ọdi ạnmanaghian, aphogh ẹphen aphogh ẹpe, oye ọ́miin, kụ aghiigh ọlo Ijipt phọ bịn aguph esi ịisaar aḍi.