Popular Bible Verses from MAK 6

Share

Ge Jisus hiɛŋ aŋ, Zhajɛ ma tugwo zalụ bu ko no ofwo na bụtụ zasaba ahiɛba hiɛba, maa hi to ụhinjanụ cwɛŋ. Iwɛnɛ ta atwa na a zhajɛ o hwulo gembi ofwugwo, hi beni shi kaa udama maa hiɛ yɛ okwo iyimɛyɛ o.

Ge Jisus hiɛŋ aŋ, Bigesere vwụnjɛ shɛ ụjɛrụma o, semi no ofwo na ee meci bu, keeni na ashashɛ atwa ubwa, ta atwa ihwɛ ibwɛ.

Aka na ti ge Jisus banɛ nụ ụhaŋtụ, baa kwụbɛ atwa ofwugwo ata ụ'wụtụ, inyɛmɛnyɛmɛ ya aba kaa shɛ bụ, iwɛnɛ te e tileni gana agwụdụ na zasa bi'iywa. Bee mbisegeni aŋ iyi ifwugwo.

Iwɛ ecilo ata ge Jisus eri shi ba nda ugondu wa arụhwajɛ duwa apata o, semi i'ɛlɛ kwakwa bee petengeni no ohiuhiu agwumanshɛ na twa sụ ofwugwo baa nɛnjɛ aŋ. Yaa dama Jisus iwɛnɛ ta a tɛtanɛ shɛ bụ rishe. Ge Jisus rinji na ashɛpwụ na rungwutwonu apata, boo mbisogono atwamwa iyi.

Ge Jisus suji mbrad ma ata mu ta keeni ijɛnɛ ɛtɛ iyebi, bee shepi eshe ubwa na azuba, baa tabwa Agwatana maa pana mu uwebiye ubwa, nazhɛ boo dwonu mu, bee peni eseshi-iyi ubwa maa e sheji mu na agba atwa ata. Bee hweŋshi aŋ du ti ijɛnɛ ɛtɛ iyebi. Aa yɛ mu hwɛɛ aba, ee shigeji. Nazhɛ eseshi-iyi ubwa suji owunzu mbrad mu na mu vwanɛ aŋ, ee shidinji shɛrɛgada umpwa-na-shɛba-shi-yebi keeni ijɛnɛ ɛtɛ du.