Popular Bible Verses from MATIU 7

Share

Lụpa ma, nazhɛ ɛɛ zhɛ ma hi pana. Jalakaka ma, nazhɛ ɛhi zhɛ hia ta ugbe. Pa ma ukpa iyi, nazhɛ ɛɛ zhɛ ma hi kapɛshɛngana.

Bụtụ be elele na ba lụpa, ubwa ɛɛ zhɛ a pana. Bụtụ be elele na kaa ba jalakaka, ubwa zhɛ ba ta ugbe. Bụtụ na kaa ba pa ukpa iyi, ubwa ɛɛ zhɛ a kapɛshɛngana.

Bụtụ be elele na ba hwuga iwɛ gɛ Ama duma, yaa shɛ baa nda iŋ, N zhɛ ma manga bụ na bụtụ na incɛ, na mo umwono ubwa nu utayɛ-tubala.

Iyi elele nɛ ahia jala maa ga atwa na hi ndana, na ndana ma du atwa vwɛ hiŋ gana ata. Iyi nɛ oo 'nywotwo nu Undwa keeni iyi nɛ egesere 'nywotwo ta.

Ama uhwaŋna na zhe nu uraiŋ namɛ mwee, atwa na kaa to uhwaŋna ata twa sụ ufwugwo.

Tono ma no odubo tumwee, iwɛnɛ tu uhwaŋna ata heri kpotoo zhe nu ufwu tɛnda. Atwa na kaa to uhwaŋna ata, aba gembi ufwugwo.

Yaa shɛ ahiɛba na hiɛ shɛ atwa awɛ, ehi mepi gana na maa hi na pana miaụŋ mi hiŋ iyi ibiye, asha Bishi hiŋ na namɛ na azuba tubaa, shɛ ubwa suu zhɛ ba pana atwa na a lụpa Bụ iyi ibiye ihi hwuri.

Ta duma ma ụshɛrɛya bụtụ o, iwɛ maa kede a jɛmɛ du ụshɛrɛya hiŋ o. Iwɛnɛ po ụshɛrɛya na ahia dumangana bụtụ, ubwa du ɛɛ zhɛ ma hi dumangana. Umudu na kaa ahia mangangana atwa iyi, nu bwa du ɛɛ zhɛ ma hi mangangana iyi.

Ama bụtụ be elele tuba ba hwuga iwɛ gɛ Ama duma, yaa shɛ baa njɛ shɛ iŋ, N zhɛ ma manga bụ na bụtụ na lagwụmɛ, na mo umwono ubwa nu uhwayɛ.

Iwɛmbe po aba ngbaraka bụmbɛrɛ na shiyeni ne rishe ri yɛu-bino bu, ebi heŋshi shi iwɛ ugbogolo na shiyeni ne rishe rụ bụụ? Kwo kaa iwɛmbe po ɛbɛ hiɛŋ yɛu-bino bu, Me ci ba, mɛ bu vwɛ bụmbɛrɛ ata shiyeni ne rishe rụ bụ, ebi heŋshi shi iwɛ ugbogolo ata te shiyeni ne rishe rụ bụụ?

Na nda ma pece iwɛ egesere tukata, a na e ci pi hiŋ gana agwụdụ, ama shɛmɛ sha aba kaa shɛ shɛ shɛmɛ sho ogwusu na imunɛ iri. Hi zhɛ hia mapa aŋ tedure na tụ'walụ ta aba. Atwa eri o two suu tụ'walụ ta afwafwa nu ukondongwu? Okwo hi kwụbwa suu te e cwi tụ'walụ to owowo nu ukolokwu-shɛngala?

Gobwonu du ụ'wụ'wụ ubiye we elele wa 'wala tụ'walụ ti biye, ama ụ'wụ'wụ ụwɛ wa 'wala du tụ'walụ tụ wɛ.

Ụ'wụ'wụ ubiye eri shi wa 'wala tụ'walụ tụ wɛ o, gobwonu du ụ'wụ'wụ ụwɛ eri shi wa 'wala tụ'walụ ti biye o.

Ụ'wụ'wụ we elele na kaa 'weri shi tụ'walụ ti biye, ɛ zhɛ a jaja uŋ a kala nu ulwa.