Popular Bible Verses from UGONDU WA ATUMWA 2

Share

Nazhɛ ga Pita jishijɛ aŋ, bɛɛ hiɛŋ, Jɛshɛrɛga ma shihaŋsa shi hiŋ, maa a njɛ bụtụ bụtụ hiŋ ubaptizim ni izeci Jisus Krast, maa e hi gengeni iwɛwɛ hiŋ. Nazhɛ Agwatana zhɛ ma hi pana Mpiala mi Tijilo upwaŋ.

Nazhɛ atwa ata untanganɛ iyi nɛ atumwa o mbisogono aŋ kpekee, keeni ikpɛngwu-tutwa, ni iyimɛyɛ tiya zhiaaŋ keeni adua tɛnda.

Ibɛ po Mpiala mi Tijilo mi shini shɛmɛ sha aba kpaaŋ, ee kwuni n-ndumwa tụdụma na rɛjɛmɛ ru tuswoswoswo gana na tu Mpiala ma ata mi peni aŋ maa a jɛmɛ.

Eshigiri rundu ru banɛ na azuba gana uvwugo ụ'wụtụ na wo vwungo ofwo, wee shini umwono ata aa jɛjɛ hwɛɛ. Aa kwụbɛ iyi ike nɛ sụbɛ irɛtu ulwa, yoo mburusonu geri geri, yaa patanɛ bụtụ bụtụ na ashashɛ aba hwɛɛ. Ibɛ po Mpiala mi Tijilo mi shini shɛmɛ sha aba kpaaŋ, ee kwuni n-ndumwa tụdụma na rɛjɛmɛ ru tuswoswoswo gana na tu Mpiala ma ata mi peni aŋ maa a jɛmɛ.

A uranjɛ tu'ụlwatagwụ nu Umwono wa Agwatana iyi-heri iyi-heri, aa ya iyimɛyɛ nu nhwaŋ ma aba, a ya iŋ nu unyasa keeni amɛ tụrụmbɛɛ. A shɛtana Agwatana, atwa elele o lubo aŋ. Agwangwama a kaana aŋ atwa na o bino iyi-heri iyi-heri.

Gana yɛɛ zhɛ ya sha hwuŋ nụ ụjita umɛwɛɛ na, maa N zhɛ mo dudugono bụtụ be elele Mpiala mi mi, nazhɛ miaụŋ mi hiŋ me eyi, na miaụŋ mi hiŋ mo o mi zhɛ ma duma tigesere, esemberi hiŋ zhɛ na kwụba shizobu, atwa hiŋ na inganjɛ zhɛ no wotogono awalabụ.

Atwa elele na tɛtanɛ-rishe namɛ urubwo uko hwɛɛ aba, oo gbodongonu iyi elele nɛ bụtụ bụtụ 'yajɛ hwɛɛ aba. E senji iyi elele nɛ aa 'yajɛ, ti i'wɛŋnɛ ya aba, nazhɛ aa pana bụtụ bụtụ iyi gana na tu ukekeshi ibɛ wa nda bụ.

Bụtụ be elele na kaa ba suyana izeci ya Agwangwama, ubwa zhɛ bo bino.

Uwaŋna zha shɛ wa ta o, upiana zhɛ wa sha gana mehieŋ, nazhɛ ụjita ata wa Agwangwama u ci. Ụjita ata kaa zhɛ wa sha ụjita ụrụhwajɛ ụ'wụtụ.