Popular Bible Verses from APOCALIPSIS 22

Share

Nuqan qallariy jinataq tukuchaypas kani, ñawpaqkaq jinataq qhipakaqmi kani.”

“¡Qhawariychis! Nuqaqa usqhayllatam jamuchkani, nuqawan kuskataq uj quytam sapa ujman ruwasqanmantajina qunapaq apamuchkani.

Ch'uwa Ajayu jinataq Uwijapaq runachakusqan sipaswanqa ajinatam ninku: “¡Jamuy!” Pichus uyarichkan chaytaq ajinata nichun: “¡Jamuy!” Pichus unumanta ch'akisqa kachkan chaytaq jamuchun jinaspataq kawsay quq unumanta qasilla ujyachun.

Kusikuyniyuqmi kanku pikunachus p'achankunata t'aqsaqakunku chaykunaqa, ajinamantam kawsay sach'apaq urinkunata mikhunqaku jinataq llaqtapaq punkunniqtapas waykunqaku.

“¡Usqhayllatam jamuchkani! ¡Kusikuyniyuqmi pichus kay p'anqapi qilqasqa kachkan chay willayman uyart'achkan chayqa!”

Chhaqaypiqa manañam tuta kapunqañachu, pikunachus chaypi kawsanqaku chaykunataq manañam micha k'anchayta jinataq intipaq k'anchaynintapas munapunqakuchu, imaraykuchus Dios Tatam k'anchayninta paykunaman qunqa, jinaspataq paykunam wiñaypaq wiñaynintimpaq atiywan tiyaykukupunqaku.

Pichus kayta rimarquchkan chayqa ajinatam nin: “Usqhatam jamuni.” Ajina kachun. ¡Jamuy Tata Jesús! Tata Jesusqa khuyapayakuyninta tukuy qankunajawaman t'akaykumuchun.

Tukuy pikunachus kay p'anqapi qilqasqa willayta uyarichkanku chaykunamanqa kaytam ninrincharini: Pipas kay qilqasqaman imatawampas yapaykunqa chaymanqa, ima ñak'ariykunachus kay p'anqapi qilqasqa kachkan chaykunawanmi Diosqa payman yapaykullanqataq. Jinataq pipas kay p'anqapi qilqasqamanta uj juch'uytapas qichuqanqa chaymanqa, kay p'anqapi ima kawsay sach'amanta mikhunan kananmanta jinataq ch'uwa llaqtapi kawsananmantachus qilqasqa kachkan chaykunamantam Diosqa qichuqallanqataq.