Popular Bible Verses from 2 CORINTIOS 9

Share

Diosqa tukuy ima sumaq kayninkunatam puchuchkaqtaraq qankunaman qusunkichisman, ajinamanta tukuy imapas ama pist'anasunkichispaq, manachayqa imaymana allin ruwaykunapi yanaparinaykichispaq puchuchkaqraq kapunasunkichispaq.

Sapa ujmi sunqumpaq nisqanmanjina qunan, manataq iskay sunqu manachayqa mana munachkaq mat'iykusqapas quchkananchu, imaraykuchus pichus kusisqa tukuy sunqu quchkan chaymanmi Diosqa munakun.

Kaymanta yuwarikuychispuni: Pichus as chhikallata tarpun chayqa, as chhikallatataqmi apthapinqa; jinataq pichus achkhata tarpun chayqa achkhallatataqmi apthapinqa.

Diosmi ima mujutachus tarpunapaq munachkanchis chayta jinataq ima mikhunatachus munachkanchis chaytapas quwasunchisqa, qankunamanqa tukuy imachus munakuchkan chaytam tarpunaykichispaq qusunkichis, jinaspataq paymi wiñachikuchkanqa, payllataqmi qankunapaq munakuywan ruwasqaykichisqa astawan achkha kanampaq ruwanqa. Ajinamantam qankunaqa munakuy sunquwan qunaykichispaq imaymana qhapaq kaykunayuq kankichis. Chay apthapiykunata nuqaykuniqta apachichkankichis chaytaq, wawqipananchiskunapaq Diosman yuspärayta qunankupaqmi kallanqataq.

¡Diosman yuspärayta quyku, imaraykuchus chay tukuy sumaq quykunata qusqawanchisraykuqa manam ima niytapas atiykuchu!