Popular Bible Verses from Yohane 5

Share

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

I kanaitana Yesu tauna iti maturu inditi, hai Naisa kamahaenami palu, mekunemi Yesu iria, Nauli, “Nuunde pae maoha?”

Moparesakau Sura Malelaha, lawi nipehangu hangko i Sura Malelaha iti nilambi katuwo maroa au bara mokahopoa. Moleri Sura Malelaha iti mololita kana Iriko. Agaiana bara mani niunde mai Iriko bona molambikau katuwo maroa au bara mokahopoa.

Nauli Yesu, “Mearomoko, nulolomi alemu, hai lumaomoko.” Maoha mpuumi tauna iti, mololomi alena, hai lumaomi. Iti mewali i Alo Pengkarooangaa

Mewali mololitami Yesu irihira, Nauli, “Tou mpuu lolitaNgku ide: Nauri AnanaNa Pue Ala, baraNa peisa mobago moula peundeaKu haduduaNgku. Apa au Kuita Nababehi UmaNgku, batenami iti au Kupobago. Apa pea bagona UmaNgku, iti wori bagoNgku