Popular Bible Verses from Lókasɛ 12

Share

Bɛɛnyɔ́ɔ tɔ́nɔ, bɛ́ɛ́mba nɔnɔ pɛnɛ́ɛ, goakɛ́ Moɔnɔ́ ba mɔtɔ a ŋgu úlé naá gigúlí gɛ́ɛgɛ no lɔ́mɔ́ no do íyíménée.»

Dómbáa nɔnɔ kanɛ́ go fúmbe Bufuŋe bá Asaŋa, manɛ́ a ná nyó ɛndɛgɛnɛnamɔ́ muimée mɔ́ɔmɔ.

Kɔ́ɔ a bó oyanamɔ́ bɔ́ɔ biimée a amɔ́: «Ɔ́bɔ́ nɔnɔ! Bébeŋéemú nɔnɔ bese bese go gɛdɛ́mádɛ́má gá bonɔ́mɛ; mammana ya gɛɔyɔ gá mɔtɔ ɛ dɛ báá go bonɔ́mɛ bɛ́hɛ́ akɛ́ a bɛ́ɛmba gɛ́áha.»

Mammana, anáa bonɔ́mɛ bɛ́nyɔ́ bó lɔ́mɔ́, hɔ́ɔ tɔ́nɔ odɛ́má yɛ́nyɔ́ yó lɔ́mɔ́.

Ánɛ́ɛ kanɛ́ naá bɛɛnyɔ́ɔ a lɔ́mɔ́ ba go bégídene medúgú akɛ́ sɔŋɛ naá gɛɔyɔ gɛ́hɛ́ goŋaá a yóbimidono o?

Yésusu go oyana behúúní bɛ́hɛ́ a amɔ́: «Nɔ́ɔnɔ gɔ́ɔ nnyó oyanamɔ́ caá, no do yóbímídónóo naá gɛɔyɔ gɛ́nyɔ́ go boóma bá go nyáa, ɛ́na lí go bɛla bɛ́ɛbɛ no gaá ná báágá go nnyɔ́dɔ.

Gɔnɔ́, akɛ́ cóɛ iŋkimée sá odóɛ yɛ́nyɔ́ sɛ́ lɛ́ baná baná. No do gɔ́lɔ́nɔ́ɔ kanɛ́ bofoá: no lɛ́ ntɔ́nɔ no dómbana kulé pɛ́nɛ iŋkimée.

Moɔnɔ́ ba buufe, o do gɔ́lɔ́ bofoá, goŋaá Isée bɛnyɔ́ ɛ ɛ́ ɛ́ná bese go go nyó fáa Bufuŋe bɛ́hɛ́.

Ɛ́ná nɔnɔ bɛ́hɔhɔ́ɔ: bɛ́ dɛ gónáa, bɛ́ dɛ sáŋáa, bɛ́ dɛ bɛanánáa nɛbɛ́dɛgɛna ɛ́na lí gɛɔ́lɔ, kanɛ́ Asaŋa a bɛ́ dúge! No lɛ́ bɛantáanta bá moóma naá oŋgíso yá Asaŋa no dómbana munoní!

Bɛɛnyɔ́ɔ kanɛ́, no do yóbímídónóo go go fúmbe bɔ́ɔbɔ no gaá ná nyáá, ɛ́na akɛ́ bɔ́ɔbɔ no gaá ná bónyó.

Aáŋa Asaŋa a lɛŋa nɔ́ɔnɔ naá bodɛ́agadɛ́ mbínyí sɛ́ɛsɛ sɛ́ lɔ́mɔ́ ínoni sɛ́ hɔ́ɔ, nembeli bá sɛ́ nɔɔ naá íyuke. Nɛɛ́nɛ a lɔ́mɔ́ a dɛ bɛ́ɛ́mbá bá go ŋa gɛ́nyɔ́ a dómba mbínyí, batɔ bá gioliminyo fágɔfágɔ báaba!

Kanɛ́ buimée bɔ́ɔbɔ bó lɔ́mɔ́ ɔsɛ́gɔ́ɔlú bó ŋga húmé naá hanyɔ́, gɔnɔ́ buimée bɔ́ɔbɔ bó lɔ́mɔ́ naá nnindíi, bá ŋga bó íyímé.