Popular Bible Verses from Mə́líkusu 10

Share

Ɔ taká, Mɔná wa mɔndɔ, a sa ndasá ɔ misí ɔkɛaka ɔwá bá wɛɛ́ya nyɔkɛ́na; mba, ɔkɛaka ɔwá a bɛndɔ nyɔkɛ́na, a wínə́ tɔ́na ɛlɔ́áyɛ́ ɔmbana muiŋí ɔháŋɔ́na.»

Yə́susu a ná bəə́bu məə́sə tála, a sɛ́á: «Yatɛ́ ɔyɛ́á yɛ́ lɛ́á ányákátɔ́ ɛlɔ́áyɛ́ bɛndɔ, yɛ́ lɛa ndɛ́ndɛlɛ́á á Huɛlɛ́ busíə́.»

Yə́susu a sɛ́á: «Káka, yáwɔ́á ilumininə yɛ́ ná aŋɔ́á núə́kə́níə́.» Ɔ umisíúmə́, a ná botólíə́ ɔ usinənə, a ná Yə́susu ɔŋgɔ́kɔ.

Ɛlɔ́áyɛ́ nɔ́yɛ́, ata mɔndɔ a sá hɔ́ánana ɔ nɛbɛ́lɛna nɛ́ bɛndɔ báfandɛ́ uwəlúnəniə ɔnɛ́á Huɛlɛ́ a ná tɔa.

Yə́susu a ná wɛɛ́ya bítíbə́kíníə, a ná wɛɛ́ya lə́mbəkiə, mba, a sɛ́á: «Bɔkɔa bɔ́mɔtɛ́ bɔ́ báka ɔbɔ́á bɔ́ ndɔ aŋɔ́á bísiə ɔwá ɔ kɛ́áká tɔ́ná: Káka, ɔ ká nɛ́áwɔ́á nɛbɔ́ŋɔ lúə́kə́ nikimə, ɔ́ bɛcácɔ́ áfákɛ́ná ɔ tɔsɔ́kánɔ́; nɔ́yɛ́, ɔ ŋɔ báá na nɛbɔ́ŋɔ ɔ Nɛmanɛna nɛ́ Huɛlɛ́. Mba, sɔ́nɔ, ɔŋgɔ́kɔ́ mɛaŋɔ́á!»

Yə́susu a sɛ́á: «Yatɛ́ ɔ ndɔ siə ɔwá mɛ aŋɔ́á kɛ́áka əə́?» Mundímə́ndímə a sɛ́á: «Labúni, kɛ́áka ɔwá mɛ híáná ɔ usinənə!»

Mba uwə́nú, yɛ́ sa hɔ́ánana ɔbáá nɔ́yɛ́: Mɔndɔ mukimə ɔwá a ndɔ siə ɔbáá mɔŋɛ́ŋa, a ná hɔ́ánána ɔhíána mɔnyɛna wa bɔsɔ́kɔ́ bəkimə.

Mɛ ndɔ bə́nú nɔ́yɛ́ lɛna ɔ taká, wɛ́ɛ́yɛ́ ɔwá a sɔ́ ŋɔ Nɛmanɛna nɛ́ Huɛlɛ́ káha ɛ́sɛ́á hɛlɔ́matɔ́, a sa ndə́fínə́ umə́.»

Ɛlɔ́áyɛ́ nɔ́yɛ́, yɛ́ lɛa ɔwá bɛndɔ bəəŋí ɔbá bá lɛ́á bə́búsíə́ bá ŋɔ híánaka bə́limə; bəəŋí tɔ́na ɔbá bá lɛ́á bə́limə, bá ŋɔ híánaka bə́búsíə́.»

Mba, ɔ Mətilə má Huɛlɛ́ yɛ́ lɛa tilə́kə́tɔ́ yɛ́ sɛ́á: «Ɔ nɛbalɛ́ná nɛ́ bɛkɔa bikimə, Huɛlɛ́ á ka mɔndɔ tábɔ́naka, mɛlɛ́mɛndɔ́ na muəndú.» Ɛlɔ́áyɛ́ nɔ́yɛ́, mɛlɛ́mɛndɔ́ a ŋɔ hɔalɛna, á isə́ na inyə́ tíkə́ ɔkɛaka ɔwá, a kátɔ́áná na wayɛ́á muəndú. Bəə́bu báfandɛ́ bá ŋɔ báá mɔndɔ ɔmɔtɛ́! Nɔ́yɛ́ bá sɔ́ ŋɔ báá tɔ́ná bɛndɔ báfandɛ́, mba, mɔndɔ ɔmɔtɛ́.