Popular Bible Verses from Matíó 18

Share

Ɔ taká, ɔ ɛbɔ́ka ɔyɛ́á báfandɛ́ ata bálálɔ́ bá ŋɔ kɔtalana ɔ ɔwámɛ niínyə, mɛ ŋɔ bámɛnɛna ɔ uwəbú ətíə́.»

«Ɔ taká, mɛ ndɔ bənú lɛna tɔ́na ɔwá, ábá bɛndɔ báfandɛ́ bá ná ɔ́kɔ́nɔ́ ata yatɛ́ bɔɔ́la ɔbata háha ɔ misí ɔ ətíə́ yɛ mabɛ́kálɛ́na, yamɛ́á Isə́ ɔwá a lɛ́á ɔ nɔɔ́mɛná a ŋɔ bəə́bu índiə.

Yə́susu a ná mɔná mɔtɛ́tɛ́á ɛlɛ́ákɛ́na, a ná wɛɛ́ya tínímíə́ ɔ uwəbú ətíə́, a sɛ́á: «Ɛ́ɛ! Taká, mɛ́ ndɔ bənú nɔ́yɛ́ lɛna ɔwá; ábá nɔ́ sá mɛlɛ́má kɔ́ŋɔ́na, nɔ́ híáná ɛ́sɛ́á tɔ́lɔ́matɔ́, nɔ sa ndə́fínə́ ɔ Nɛmanɛna nɛ́ Nɔɔ́mɛná.

Wɛ́ɛ́yɛ́ ɔwá a ŋɔ bílólosoliə ɛ́sɛ́á wɔ́ɔwɔ mɔná mɔtɛ́tɛ́á, wɛɛ́ya a lɛ́á mɔŋɛ́ŋa ɔ Nɛmanɛna nɛ́ Nɔɔ́mɛná.

Wɛ́ɛ́yɛ́ ɔwá a ŋɔ mɔná káha muɛsɛ ɛ́sɛ́á wɔ́ɔwɔ ɔ ɔwámɛ niínyə, ɔwámɛ bɛ́múɛ́tɛ́ á ná kaha.»

Ɔ taká, mɛ ndɔ bənú nɔ́yɛ́ lɛna: Ata yatɛ́ nɔ ŋɔ ɔ́lɔ́kɔkɔ háha ɔ misí, bá ŋɔ ɔ́lɔ́kɔkɔ ɔ nɔɔ́mɛná, bikimə ɔbɛ́á nɔ ŋɔ humbuləkə ɔ misí, bá ŋɔ bɛɛ́ta humbuləkə ɔ nɔɔ́mɛná.

Nɔ́yɛ́, mɛ ndɔ bə́nú lɛna ɔwá, yamɛ́á Isə́ ɔwá a lɛ́á ɔ Nɔɔ́mɛná, a ŋɔ bənú bɛ́kɛakɛna hɔ́ánánátɔ́ ábá nɔ sá wənúə́ munísə́ niasɛna na mɔlɛ́má mukimə.

«Mba, ata ɛ́yánɛ́ ɔwá a ŋɔ ɔmɔtɛ́ nənəkiə ɔ mɔtɛ́tɛ́á ɔwá a ndɔ nɛ́áyɛ́á nɛkɔmba tálɛ́na ɔ ɔwámɛ, yɛ́ lɛa muɛsɛ ɔwá bá wɛɛ́ya muɔkɔ tiŋə́ ɔ ɛmɛna, bá wɛɛ́ya əmbínə ɔ nɔmɔ́ nuúmə́.

Nəníə́ nɔ ndɔ fɛka əə́? Ábá mɔndɔ a lɛa na ɛbɔ́ɛ́yɛa yɛ́ ɛndɔ́mbá, mbá úmotí wɔ́ ná nyɔ́áká, a sá yííyí moómo ibo na ibo yɛ́ ɛndɔ́mbá tíkə ɔ ɔmáá ɔmbáŋá ɔkɛaka ɔwá, a ká wííní síə́kə ɔwá wɔ́ ná nimínə́ əə́?