Popular Bible Verses from Lúkasɛ 6

Share

Nɔ́ índíə́ mbá bá ŋɔ ənú índiə. Bá ŋɔ bənú kətiniə úndúə́tɔ́ fɔɔmɔ! Nɛ́ ólókíə́ bɔkɔasɛ́á, bá ŋɔ bənú kətiniə á hikətíníə́ ɔhɛ́á nɔ ŋɔ bɛ́kɛakɛna ɛlɔ́áyɛ́ bɔsɔ́kɔ́.»

Mɔndɔ muɛsɛ a ndɔ ɛta ɔwayɛ́ mɔlɛ́má á bɔɔ́la buɛsɛ bɔkɔasɛ́á, wɔ́ lɛa úndúə́tɔ́ na bɛɛ́la bɛɛsɛ; mɔndɔ mɔbɛ́á a ndɔ ɛta ɔwayɛ́ mɔlɛ́má á bɔɔ́la bɔbɛ́á bɔkɔasɛ́á, yatɛ́ ɔyɛ́á abáka munuə wɔ́ fə́mə́ləniə yɛ́ lɛa ɔ mɔlɛ́má nuúmə́.»

Mba, nɔ́ bə́núə́ bokóyíkoyi hikə́kíə́, nɔ́ buɛsɛ kɛ́áka, nɔ́ folókóníə́ ɛŋana ɛnánɛna yɛ́ muití uhíə́niniə. Nɔ́yɛ́ yə́núə́ ɛfɔná yɛ́ ŋɔ bá yɛŋɛ́ŋa, nɔ ŋɔ bá baná bá wə́ní ɔ Mɔŋɛ́ŋa ɔmbáŋá bɔkɔasɛ́á, a lɛa muɛsɛ ɛlɔ́áyɛ́ baasɛ na babɛ́á.»

«Nɔ́ bámɛ́nɛ́ná úndúə́tɔ́ na buɛsɛ, ɛ́sɛ́á yənúə́ Isə́ a lɛ́á úndúə́tɔ́ na buɛsɛ.

Nɔ lɛ híáná bəkə́lə́siə mbá bá sɔ́ ŋɔ bənú kə́lə́siə, nɔ lɛ sɔ́kɔ́tɛ́a mbá bá sɔ́ ŋɔ ənú sɔ́kɔ́tɛa, nɔ́ niasákɛ́nána mbá bá ŋɔ ənú niasakɛna.

«Mba mɛ ndɔ bənú lɛna, uwənú ɔwá nɔ ndɔ mɛaŋɔ́á ɔ́kɔ. Nɔ́ bə́núə́ bokóyíkoyi hikə́kíə́; nɔ́ buɛsɛ kɛ́áká ɔ báyɛ́ ɔbá bá ndɔ bənú kóyiə. Nɔ́ bɛnyɔnɔ índíə́ ɔ bəkimə ɔbá bá ndɔ bənú indimisi húlə́ninə, nɔ́ bɛ́kálákɛ́ná ɛlɔ́áyɛ́ báaba ɔbá bá ndɔ bənú kanjɛna.

Yatɛ́ ɔyɛ́á ɔ ndɔ hikiə ɔwá bɛndɔ bá kɛ́áka ɛlɔ́áyɛ́ áwɔ, kɛ́áká aŋɔ́á tɔ́na ɛlɔ́áyɛ́ əbú.

Ábá mɔndɔ a ná aŋɔ́á sánɛ́na ɔ bɔlɔ́ŋɔ́lɔ́ŋɔ́, ínə́níə́ wɛɛ́ya búíní. Ábá mɔndɔ a ná nɛ́áwɔ́á nilókiə ɛtá, indíə́ wɛɛ́ya tɔ́na yawɔ́á sɔ́tɛ. Índíə́ ata ɛ́yánɛ́ ɔwá a ná aŋɔ́á bɔɔ́la kɔŋɛ́na. Mba, ábá mɔndɔ a ná bɔ́áwɔ́á bɔɔ́la ɔ́lɔ́, ɔ lɛ bata.

«Tátá bɔlɛ́á buɛsɛ abáka bɔ́ hɛtámátámá hɛbɛ́á háá, ata bɔlɛ́á bɔbɛ́á abáka bɔ́ lɛ hɛtámátámá hɛɛsɛ haa.

Ɔ taká bá ndɔ bɔlɛ́á tɛ́á manyɛna ɔ ɔwayɛ́ hɛtámátámá. Abáka bá lɛ məfunú kɛ́tá ɔ bɛsɛ́ndɛ́ ɔ ɔmbáŋá, abáka bá lɛ bɛtɔtɔ kɛ́tá ɔ biɔndɔndɔ́.