Popular Bible Verses from Lúkasɛ 3

Share

Ikúílí á Yɔhánɛsɛ a ná bɛndɔ bəkimə nɛsɔa índíə́kínə, a ka Yə́susu nɛsɔa índiə tɔ́na. Ikúílí Yə́susu a ná bá a ndɔ bɛ́kálɛ́na, Huɛlɛ́ a ná nɔɔ́mɛná kuúnə. Umbúínyi Mɔnaŋanaŋa wɔ́ ná tukínə ɔ ɔwayɛ́ mɛɛ́lɔ, wɔ́ siəkinənə ɛ́sɛ́á hibúbə́. Bá ná nióni ɔ́kɔ́ ɔ nɔɔ́mɛná nɛ́ ndɔ laa nɛ́ sɛ́á: «Ɔ lɛa wamɛ́á Mɔná wa mɔlɛ́má; aŋɔ́á ɔ lɛ́á nɛ́ámɛ́á nɛhɔnɔ nikimə.»

Yɔhánɛsɛ a ná bəkimə lɛ́na a sɛ́á: «Ɔwámɛ, mɛ ndɔ bənú nɛsɔa índiə na mənífə́, mba, wɛ́ɛ́yɛ́ ɔwá a lɛ́á ɔ ɔsákɔna a lɛa na injiŋə yáyɛ́ná mɛaŋɔ́á. Mɛ lɛ báá hɔ́ánánátɔ́ ɔ mikolí yɛ́ bɛ́áyɛ́á bɛtafɛ́ná ɔ uhumbulə. Ɔwayɛ́, a ŋɔ bənú nɛsɔa índiəkinə na Umbúínyi Mɔnaŋanaŋa na hiwə.

Nɔ́ ínə́níə́ na bíə́núə́ bɛnyɛná ɔwá nɔ ná mɛlɛ́má kɔŋɔna. Nɔ lɛ bɛ́láá nɔ sɛ́á: “Á Ábɛlaháma a lɛ́á yəsúə́ isə́kínə́” bɔkɔasɛ́á, mɛ ndɔ bənú lɛna, Huɛlɛ́ a óso ɔ yííyí miɔkɔ ɔbɛ́kɛakɛna yɛ́ híánaka ɛndɛkɛ yɛ Ábɛlaháma!

Nɛhɔ́ká nɛ́ lɛa hoóyi ɔ bɔlɛ́á ɔ ɔsɔ́mbɛ́na ɔ mɛkaŋá, ata ɔ́ búə́níə́ bɔlɛ́á ɔbɔ́á bɔ́ sɔ́ ŋɔ tɔtámátámá tuɛsɛ háá, bá ŋɔ bɔɛ́ta sɔ́mba, bá ə́mbinə ɔ hiwə.»

Ɛ́sɛ́á mɔhɛ́nátɔtányɛ́ á Isáya a ná tílə́kə ɔ ɔwayɛ́ hiəfulə a sɛ́á: «Mɔndɔ a ndɔ yə́mə ɔ makɔ́tákɛ ɔwá, nɔ́ mɔndɔ́ŋɔ́ tábɔ́náka ɔwá Isə́lúkú a ŋɔ húlínə. Nɔ́ bɛ́áyɛ́á bɛnɔ́mɛ tínímə́kíə́ muɛsɛ. Nɔ́ tɔása úndúsə́kíníə́, nɔ́ ɛmáá na tɔmbáŋámbáŋá tukimə sɛkɔ́náka, nɔ́ mɛndɔ́ŋɔ́ yɛ́ kɔ́tɛ́mákátɔ́ tínímə́kíə́, nɔ́ bɛnɔ́mɛ bɛbɛ́á tábɔ́náka. Bɛndɔ bəkimə bá ŋɔ siəkinə nəníə́ Huɛlɛ́ a ndɔ bɛndɔ nuəniə.»