Popular Bible Verses from Mɑ́lɛ́kúshi 2

Share

Yɛ́su zúꞋ, ɛ́sɑk nɛkɛt mbɔ̌ pɔ́p ŋɡɔ: «Mbɔ ŋu pɔɔ pɔ́ sʉ́Ꞌnɛ ŋ́ɡʉ ńdɔɔ ŋɡɛmɛfu pɔ́, ŋu ɡɔɔ lɑ ńdɔɔ wɛ́. Mɔ ŋkɑɑ tɔ́ pɔ nɛfúŋ pʉɔ pi pɔ́p kwɑŋɛ ŋɡɔ pɔ́p pʉɔ sʉ́Ꞌnɛ ŋɡɔ pɔ́p pɛn mbɔ̌ Sɛ́ pɔ́. Ŋ kɑ tɔ́ ntɛ́ pɔ ɡɑŋmɛfɑɑnɛ.»

A jʉ́ɔ ntɛ́ yi mbɛ́ɛnɛ ɛ̂yɑ́ lɔknɛ ńzɑ́p tʉ́m nǔu wɛ́, ńcú mbɔ̌ ŋɡɑŋkẅíꞋlɛ ŋɡɔ: «Mɔ́ɔ wɑɑ, pɛ́ likŋɛ mɛnu kɛpɔŋ mú ŋ́ɡɑ́ mbɔ̌ wu.»

Yɛ́su pɛn ńcú mbɔ̌ pɔ́p ŋɡɔ: «Sɛ́ kɑ ɡɛ lɛ́Ꞌnji ńdɔk ńcẅɛ́lɛ́ ŋumɛsɔŋ. A ŋ́kɑɑ pɔ́ ŋ́ɡɛ ŋumɛsɔŋ ŋ́ɡɑ́ mbɔ̌ lɛ́Ꞌnji pɔ́.

Lɑ́Ꞌ pɛn ńzɑ́ɑ zɑ́ɑnɛ, tɛ pɔ́p pɔɔ kuꞋ nɛnyɛt wɛ́ mbɔ̌ Yɛ́su pɔ́, ńtsɔ́Ꞌ zʉꞋ ndǔ tú-ndɑ́, ńdʉŋtɛ zʉꞋ yi Yɛ́su zúꞋu, ɛ́fú zúꞋu ŋ́kɔk ŋɡɔɔ wɔp nɛ́ pɑ́ŋtɛ wɛ ńtík mbi yɛ́.

Ŋ ɡʉ ŋ́kɛ́ ńnyɛt wʉ́ʉ ŋɡɔ, Mɔ́ɔ-Ŋu ɡẅɛɛnɛ nɛlikŋɛ mɛnu kɛpɔŋ-pʉɔmɛsɔŋ.» Yɛ́su píkŋɛ pɑ́Ꞌɑ, ńcú mbɔ̌ ŋɡɑŋkẅíꞋlɛ ŋɡɔ: «Lɔ sɛ́ ńtíi pɑ́ŋtɛ wu ńdɔk ŋ́ɡʉ nɛ́ njɛ́Ꞌ yu.»

Pʉʉ jʉ́ɔ yʉ́ʉ ŋɡɔ ɛ́ zɑŋɛ pɔ nɛcú mbɔ̌ ŋɡɑŋkẅíꞋlɛ ŋɡɔ pɛ́ likŋɛ mɛnu kɛpɔŋ mɛ́, kɛ pɔ nɛcú ŋɡɔ ɑ lɔ sɛ́ ńtíi kúu wɛ́ ńdɔk ŋ́ɡʉ?

Pɔ́ꞌɔ lɑ́, ɑ ɡɔ́ɔ ńdɔ sɛ́ ńtíi pɑ́ŋtɛ wɛ, ńdɔk ḿbɔ́ ŋ́ɡʉ, lɑ́Ꞌ pɔ́ ńdíŋɛ, tɑ́ɑ lík mbɑ wɔ̌ lɑ́ cẅɛt, ɛ́ pɔ́ ŋ́kʉꞋnɛ wɛ́. Pɔ́p pɔ́ ŋ́ɡúꞋlɛ Sɛ́ ńcú ŋɡɔ: «Pɛk ŋkɑɑ mɔ zɛɛ ńjʉ́ɔ yɔ ntɛ́ nu pɔ́!»