Popular Bible Verses from Lúkɑ́shi 8

Share

Mbiyúu mi ɛ́ vunɛ nǔu tsɛ́tsɑ́Ꞌ sʉ́Ꞌnɛ lɔk ḿbɔ́ pʉɔ pinɛ pɔ́p zúꞋ sẅíŋɛ-sɛ́, ḿbɛ́m nɛ́ tʉ́m sʉ́Ꞌnɛ, ŋ́ɡɛ pɑꞋ ɛ́ sɛ́ ḿbíkŋɛ, ḿbɛn ḿbɔ́ ɛ́sɑ́Ꞌ tʉʉ nɛɡẅɛɛ ŋkɑ́ tsʉʉ, ḿbɛn ḿbɔ́ ńzɛ́m ntɑ́ɑ.»

Mbiyúu mi ɛ́ vunɛ tsɛt nɛɡíi kɛpɔŋ, lɔk ḿbɔ́ pʉɔ pinɛ pɔ́p zúꞋ, ŋ́ɡɛ ńzɛ nɛmʉk mɛnu nji nji, ńzɛ nɛkwɑŋɛ ŋkɑ́p pɔ́p nɛnɑ́ŋ sʉ́Ꞌnɛ ndǔ tsɛ́tsɑ́Ꞌ, sẅíŋɛ-Sɛ́ ɡɔ́ɔ ḿbɛ́ kɛ́ ɡɛ yɛcɔ́ yúu tsɛt tʉ́m pɔ́p.

Mbiyúu mi ɛ́ vunɛ zʉꞋ-mɛŋɡɔꞋ pɔ́ pʉɔ pinɛ pɔ́p zúꞋ sẅíŋɛ-Sɛ́, ɛ́fɛ́Ꞌnɛ ḿbɛ́m nɛ́ tsɑ́ɑtɛ lɑ́ ɛ́ pɔɔ lɑt mɛŋɑŋ pɔ́, ḿbɔ́ pʉɔ lɛ́Ꞌ lɑ́Ꞌ, ŋɡʉ̈ɔ́Ꞌ pɔ́ tɛ ńtɔ́, pɔ́p ɡɔ́ɔ mɛꞋ.

A píkŋɛ wɔ́p ŋɡɔ: «Nɛpɛ́m wʉʉ pɔ́ pɔ ɡɔ́?» Lɑ́ pɔ́p pɔ́ ḿbɔ́k pɔ́knɛ, ɛ́ pɔ́ ŋ́kʉꞋnɛ wɔ́p. Pɔ́p shɔtnɛ ńcú tsɛtsɛt pɔ́p ŋɡɔ: «Yɔ lii ŋu pɔ́ pɔ ŋɡɔ ku tɛ ńcú nu mbɑ fɛ́m pɔ́p ŋki zúꞋ ntsu wɛ́?»

Mbiyúu mi ɛ́ vunɛ ŋkɑŋ-sɛ̂ndúŋ, ɛ́ pɔ́ pʉɔ pinɛ pɔ́p zúꞋ sẅíŋɛ-Sɛ́, lɑ́ Sɑ́ttɑ tɔ́ ɛ́fú tʉ́m pɔ́p ńcẅɛɛtɛ, ḿbɔ́k nɛpɔ́ yi pɔ́p ɡʉ ḿbɛ́m, Sɛ́ ɡɛ pɔ́p luk.

Pʉʉ jí ŋɡɔ, yúu mi ɛ́ lɔ́Ꞌnɛ ḿbɔ́ ńdʉɔmɛ, ɛ́ ɡʉ ńdɑ́Ꞌ ńcẅɛt pɛ́ jʉ́ɔ, yɛcɔ́ nu kɑ́ pɔ́ yi ɛ́ lɑɑ ḿbɔ́ ɛ́ lʉɔmɛ tɛ pɛ́ pɔɔ lɑ́Ꞌ ńjí tɛ ɛ́sẅíi pɛ́ jʉ́ɔ pɔ́ pɔ́.

Mɑŋɡɛ́ ɛ̂wɑ́ jʉ́ɔ pɑ́Ꞌ Yɛ́su píitɛnɛ ńjí, ńzɛ nɛɡwɛt, ńtɔ́ ńnɔɔ mɛku-Yɛ́su, ŋ́ɡɔ́ɔ ḿbɛ́ɛtɛ mbi lɑ́Ꞌ, ɛ́sẅíi wɛ́ yúu mi ɛ́ ɡɛnɛ lɑ ɑ kuu wɛ́, ŋ́kuplɛ wɛ́ pɔ́Ꞌɔ ɛ́fíitɛ. Yɛ́su cú mbɔ̌ wɛ́ ŋɡɔ: «Mɔ́ɔ wɑɑ, ntɛ́ yi ɔ lɔknɛ ńzɑ́p tʉ́m nǔu mɔ ɡɛ ɔ fíitɛ, ɡʉ nɛ́ mbɔ́tnɛ!»

ńjʉɔmɛ wɛ́, ńcú ŋɡɔ: «Tsɑpʉɔ, Tsɑpʉɔ, pɛkŋɛ pfú tɛ ńdɛm.» Yɛ́su jʉɔmɛ, ńdɔ sɛ́, ńcʉ̈ɔ́k fɛ́m pɔ́p ŋki. Fɛ́m zɑ́Ꞌnɛ, ŋki tʉ́ʉ, zʉꞋ nɑꞋ ŋɡɔ kɛm.