Popular Bible Verses from Lúkɑ́shi 21

Share

Pʉʉ pɑ́ɑ nɛlɛ́, ḿbɔ́ ńcɛꞋlɛ Sɛ́ ŋkɑ́ tsʉʉ, ɑ ɡɑ́ wʉ́ʉ nɛ́ mɛtʉʉ nɛlɔk ńdɛɛ mɔ mɛnu mi ɛ́ sɛ́ ńtɔ́ lɑ́ɑ, mbɑ nɛlɔk ńtʉ́ʉ kɛ́ kɔ́ sʉ́ʉ mbi Mɔ́ɔ-Ŋu.»

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́

Pʉʉ ńdɑ́Ꞌ ńdɔk nɛsʉk wʉ́ʉ ŋ́ɡẅɛɛ luk kɛ́mɛ.

Mɔ ŋ́ɡɛnɛ ńzɛɛ ńdɑ́Ꞌ ŋ́ɡɑ́ jínu yi pʉʉ ɡɛ ńdɔk ńtsɔ́Ꞌ nu. Pʉʉ tsɔ́Ꞌ nu tɛ ɡɑŋmbuu pʉ́ʉ pɔɔ zɔŋ, ŋ́kɛ́ ḿbɔɔ kíi ńcú yɛcɔ́ nu pɔ́.

Nɛpú pɔ́p tsɛ́tsɑ́Ꞌ ɡʉ ŋ́ɡɛ mɛ, lɑ́ sẅíiŋɛ yɑ́ɑ lɑ́Ꞌ ḿbɔɔ pɛ́.

Ɛ́ ɡʉ ńdɑ́Ꞌ ḿbɔ́ ŋkɑ́ ɛ̂yɑ́, pɛ́ jʉ́ɔ mɛlii cẅɛt nǔu mɔ́nɛm, ńcẅɛt nǔu sɑŋ mbɑ nǔu pɛcʉ̈ɔ́Ꞌ-sɑŋ. Ŋki kɛ́ ndẅiklɛ pʉʉnɛ, ḿbuu ńtsʉ́Ꞌnɛ tɛ pʉɔ tsʉʉ pinɛ pɔ́p ndǔ tsɛ́tsɑ́Ꞌ vukŋɛ ḿbuu ḿbɔ́k tɛꞋ. Pʉɔmɛ́sɔŋ ńdɔ ḿbɔ́ ḿbɔ́k yúu mi ɛ́ ɡʉ ńtɔ́ ndǔ tsɛ́tsɑ́Ꞌ, ɛ́shʉ́ŋ. Mbɑ kʉ̈ɔ́ lɑ́ yi ɛ́ nɛpú, puu tɑ́kŋɛ. Pɛ́ kɛ́ ŋ́ɡɔ́ɔ ńjʉ́ɔ Mɔ́ɔ-Ŋu pɔ́ tsɛt lɑ́ɑ ḿbɔ́ ńtɔ́, ŋ́ɡẅɛɛ Nɛŋwɑ́ŋɛ mbɑ mɑ́mɑ́ mɛtʉʉ.

Pʉɔ tsʉʉ ɡɛ ńdɑ́Ꞌ mbuu ḿbɑɑ wʉ́ʉ mɛlɑ́Ꞌ wɑ́ɑ.

Tsɛ́tsɑ́Ꞌ ɡʉ ńdɑ́Ꞌ mbuu ńtsʉꞋnɛ nǔu mɛzʉꞋ tɛ ńzɑ́ɑ, ɡwɑ́Ꞌ pɔ́p cʉ́ vu tsɛt mɛpɑk-ŋɡɔŋ tɛ ńzɑ́ɑ. Mɛtɛn mɛnu ɡɛ, mɛyúu mi pɛ́ ɡʉ ńjʉ́ɔ ḿbɔ́k pɔ́knɛ ńcẅɛt nɛpú.»

Pʉʉ lɑɑ ḿbɔ́ tɛ ńzúꞋ pɛ́ pɔ́ ńcú nu nǔu mɛntsɔ mi ɛ́ cẅɛtnɛ, kɛ pɔ nǔu pɑ́klɛ yi ɛ́ shɔtnɛnɛ ḿvu tsɛt mɛlɑ́Ꞌ ɔ́ɔ, kɔɔ pʉʉ pɔ́k. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛ, lɑ́ ɛ́ lɔk ḿbɔɔ nyɛt pɔ ŋɡɔ njí ɡɔ́ɔ ḿmɛ pɔ́.» Yɛ́su pɛn ńcú mbɔ̌ pɔ́p ŋɡɔ: «Lɑ́Ꞌ ɡʉ ńdɑ́Ꞌ ńdɔ sɛ́ ńdʉ̈ɔ́Ꞌ yɛcɔ́, Fɔɔ túu lɔ sɛ́ ńdʉ̈ɔ́Ꞌ wɛcɔ́.

Ɛ́ ɡʉ ńdɑ́Ꞌ ḿbɔ́ ŋkɑ́ ɛ̂yɑ́, pɛ́ jʉ́ɔ mɛlii cẅɛt nǔu mɔ́nɛm, ńcẅɛt nǔu sɑŋ mbɑ nǔu pɛcʉ̈ɔ́Ꞌ-sɑŋ. Ŋki kɛ́ ndẅiklɛ pʉʉnɛ, ḿbuu ńtsʉ́Ꞌnɛ tɛ pʉɔ tsʉʉ pinɛ pɔ́p ndǔ tsɛ́tsɑ́Ꞌ vukŋɛ ḿbuu ḿbɔ́k tɛꞋ. Pʉɔmɛ́sɔŋ ńdɔ ḿbɔ́ ḿbɔ́k yúu mi ɛ́ ɡʉ ńtɔ́ ndǔ tsɛ́tsɑ́Ꞌ, ɛ́shʉ́ŋ. Mbɑ kʉ̈ɔ́ lɑ́ yi ɛ́ nɛpú, puu tɑ́kŋɛ.

Yɛ́su pɛn ńcú mbɔ̌ pɔ́p ŋɡɔ: «Lɑ́Ꞌ ɡʉ ńdɑ́Ꞌ ńdɔ sɛ́ ńdʉ̈ɔ́Ꞌ yɛcɔ́, Fɔɔ túu lɔ sɛ́ ńdʉ̈ɔ́Ꞌ wɛcɔ́.

A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.