Popular Bible Verses from Jɑ̂ŋ 19

Share

A fíitɛ ńcú ŋɡɔ: «Nu tsʉʉ mɛ», ŋ́ɡɔ́ɔ ŋ́kɛ́ ńcɔ́ŋɛ tú yɛ́, ḿpfú.

Mɔnɛ mɛnu kɑ lɛɛ, Yɛ́su jí ŋkɔ̂ɔnɛ ŋɡɔ mbɑ kʉ̈ɔ́ lɑ́ kuꞋ, ńcú ŋɡɔ: «Gɑ́k yɑ́ɑ shí, ńcú pɑ́Ꞌnɛ nɛpɔ́ yi yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ ɡʉ ḿbuutɛ.»

Yɛ́su jʉ́ɔ pɑ́Ꞌ mɑ́ wɛ tʉ́ʉnɛ nɛjɔ́ŋ ŋɡɑŋku wɛ ẅí ɑ kɑ pɔ́ ŋ́kɔŋ wɛ́ tɛꞋ, ńcú mbɔ̌ mɑ́ wɛ ŋɡɔ: «Mɑ́ɑmɑɑ, mɔ́ɔ nu pʉ́ɔlɑ́.» Ḿbɛn ńcú mbɔ̌ ŋɡɑŋku wɛ wɑ́ ŋɡɔ: «Mɑ́ wu pʉ́ɔlɑ́.» Ɛ́ fú ŋkɑ́ ɛ̂yɑ́, ŋɡɑŋku wɛ wɑ́ lɔk mɑ́ pɛ́ Yɛ́su ŋ́ɡʉ nɛ́ njɛ́Ꞌ yɛ.

Ŋ́ɡʉ tɛ ŋ́kúu nǔu Yɛ́su, ńjʉ́ɔ, mbɔ ɑ ńdɑ́Ꞌ mɔ́ ḿpfú. Pɔ́p pɔɔ pɛn ḿbʉ̈ɔ́Ꞌtɛ mɛfʉ́ʉ mɛ́ pɔ́. Lɑ́ wɛcɔ́ tɑ́Ꞌ nǔu pɑlʉ̈ɔ́Ꞌntsɔ lɔk nɛkɔŋ, ɛ́sɔp ɡúŋ-ŋɡíi-Yɛ́su. Mɛci pɔ́p ŋki ɡɔ́ɔ ńcẅɛt zúꞋu.

Mɔnɛ mɛnu m̄bɔ́ ńdɛɛtɛ pɑ́Ꞌnɛ pɑ́Ꞌ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ ɡʉ ḿbuutɛ. Pɛ́ kɑ ŋwɑꞋnɛ ŋɡɔ: «Pɛ́ ŋkɑɑ kɛ́ ḿbʉ̈ɔ́Ꞌ yɛcɔ́ tsẅíi-mbʉʉ yɛ́ pɔ́. Pɛ́ kɑ pɛn ŋ́ŋwɑꞋnɛ ŋɡɔ: pɔ́p ɡʉ ńdɑ́Ꞌ ḿbɔ́ ńdíŋɛ ŋu ẅí pɔ́p lɔknɛ nɛkɔŋ ɛ́sɔp wɛ́.»

Ŋ́ɡɔ́ ɛ́fú tʉ́sɔŋ ńcẅɛt, kwɑꞋ jʉ́ tíinɛ tʉ́ mbɑ́ŋtɛ pɑ́ŋtɛ́nɛ yɛ́, pɔ́p pɛ́ pɔ́p pɔ́ ŋ́ɡʉ nɛ́ yɛcɔ́ zʉꞋ, pɛ́ fúŋ ŋɡɔ tsẅíi-tú. Ɛ́ pɔ́ nǔu sẅíŋɛ-pʉɔ-Hɛbɛlʉ́, ḿbɔ́ Ŋɡɔlŋɡɔ́tɑ.

Pɑlʉ̈ɔ́Ꞌntsɔ lɔk mɛnzɔ́ŋ ḿbɑ́Ꞌ cɔꞋ-nɛfɔɔ, ɛ́sɔ tú-Yɛ́su, ḿbɛ́ɛ pɛpɑŋ ndẅí ḿmɑꞋ nǔu wɛ́.