Popular Bible Verses from Lûk 3

Share

A m bùghò Dzɔ̌n fughu mɛʼɛ̀ tsughu ghî ghò â mùghù ŋ Kə̀zə̀ mo, ù n daŋso fùghù tsùghù sùghò Yɛso â mùghù ŋ Kə̀zə̀ mò. Aŋghəa Yɛsò so gɔ̂ŋlo, wala kə n tsʉ̀ è tsughu. Zuʼ tə̀ Zɔlɔ tə n sə̀ tsùghù wò aŋ ghùe wə embùŋu, tsughu maa tsughu an tuw kə Yɛso, ghe n zuw dzə̀ è ghùw è sə tsughu wô alo Kəwālā, dzàa tsùghù enyəa, “Ghù lǒ wɛ ù fə̀ŋ waŋā, ghù ghə̌əŋ nù yìa Ŋ̀ ŋgeē duʼnlo.”

Dzɔ̌n m bɛ̀lɛ̀ ndùw ghee a dzə̀m enyəa, “Ŋ̀ ghɛ fughuu â mùghù ŋ Kèzə̀ mò; ghùw wəla ù ghaʼ tsəghà mugho, ù bùghòo nù, Ŋ̀ kâ bùʼ tsò kɔ̀ʼ ŋgàlà alezè gbaʼ u təgùw u wə̄n; ù lô ghɛ̀ kuuwn sùuw tsùghu an Zuʼ tə̀ Zɔlɔ to à wə̀n mò a te.

E ghəəŋ nduw nlò ghəa ghəla a lo aledèe tsughu enyəa ghɛ̀ ŋ ghəa ghɛʼɛ à biigh a ti màʼà, kà nlò kaʼ tsùghù dzə̀ ghɛ̀ è kəaa kaŋlo enyəa, ‘Abə̀làhâm lǒ tsele waʼa.’ Ǹ dzâa wô â ghɛ̀ enyəa, to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.

Ndzàm bù lò nû êzə̄ŋ ghe shia naŋa an chi e fəkàʼ, è ləmlo enyəa mo kâʼ fə̀ yo alemʉ twam ù dzûŋ wò, a m gbò kpàa màʼà kàʼ fə te fo.”

aŋghəa ghe tɔm naŋā am mwàʼsò kə ghùwshʉ̀gha, Èzayà enyəa, “Ghùw ù lì bùʼu kwəla wò kə̀bɔ̀ŋ aŋ ŋgwən enyəa, ‘Fəghaan naŋa nlǒ dzì è Mughu ù te, nə̀ghàsò nlǒ dzǐi ŋ wə̄n mò. Waa tə ki alegə̀mà èghue tə dzə̀m. Kaʼà tə̀ tughoon to, àsùghò tə̀ ne to, tə ki aleseēn tsughu. Ŋguɛlɛ u tədzǐi u nəghàsò èghue. Dziī tə bɔʼɔ̀bɔ̀ʼ tə kuŋē sughò èghue. Ghî ghə̀là à dzə̀m lo e koʼō nduw ghəa Zə̀ kə̀ bəghaā səā wô ghî ghò a te am bòo tə ghee.’ ”