Popular Bible Verses from MARCOS 16

Share

Cashnapishmi nirca: –Alli huillaita tucuicunaman huillangapaj tucui cai pachata richij.

Ñucata crijcunaca, pi mana rurai tucushca caicunatami rurangacuna: Ñuca shutipimi supaicunataca llujshichingacuna, shujtaj rimaicunatapishmi rimangacuna. Culebracunata maquihuan japijpipish, ima huañuipajta ubyajpipish imata mana rurangachu. Ashtahuanpish ungushcacunapaj jahuapi maquita churashpa alliyachingacunami– nircami.

Alli huillaita maijanpish crishpa bautizarijtaca quishpichishcami canga. Ashtahuanpish mana crijtaca, jatun llaquiman cachashcami canga.

Yachacujcuna chaimanta rishpaca, tucui llajtacunapimi huillarcacuna. Chashna huillacujpica Mandaj Jesusmi paicunataca ayudarca. Milagrocunata rurachishpami paicuna huillacushcaca Jesusllataj huillachicushca cashcata ricuchirca. Chashna cachun.

Ashtahuanpish chai mosoca: –Ama mancharichijchu. Nazaretmanta chacatashca cashca Jesustami mashcacunguichij. Paica causarishcamari, mana caipichu. Paita maipi churashca cashcapi ricuichij.

Ashtahuanpish paicuna ricunapajca, chai jatun rumitaca ña anchuchishca cashcatami ricurcacuna. Chaimanta jutcuman yaicushpaca, alli ladomanca yurajlla suni churanata churashca, shuj moso tiyacujta ricushpami mancharircacuna.