Popular Bible Verses from MATEO 4

Share

Jesusca: –Quillcachishcapica: “Runaca mana tandallahuan causangachu. Ashtahuanpish Taita Diospaj shimimanta llujshishca shimicunahuanmi causanga” ninmi– nirca.

Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi

Chaimi Jesusca: –Quillcachishcapica cashnapish ninmi: “Mandaj cambaj Jatun Diostaca ama pandachisha ningui” ninmi– nircami.

Chai q'uipami Jesustaca, diablo pandachisha nichun Taita Diospaj Espirituca, shitashca pambaman pusharca. Chuscu chunga punllacunata, chuscu chunga tutacunata ayunashca q'uipaca yaricachircami.

Paicunatami Jesusca: –Ñucata catichij. Chalhuacunata japijta shinallataj, gentecunata pushamujcunatami rurasha– nirca. Paicunaca, linchicunata saquishcahuanmi Jesusta catircacuna.

Chai punllamanta pacha Jesús huillai callarishpaca: “Mana allita ruracushcata saquishpa cutirichij. Jahua pachamanta mandanamari ña c'uchuyamushca” nircami.