Popular Bible Verses from GÉNESIS 32

Share

Chaipimi chai runaca: –Canca cunanca ña mana Jacob shutichu cangui. Taita Dioshuanpish, runacunahuanpish macanacushpa mishashcamanta, Israel shutimi cangui– nirca.

Chai runaca Jacobtaca: –Ña achijyagrinca cachari– nijpimi Jacobca: –Ñucata alli cashca cachun mana nijpica, manataj cacharishachu– nirca.

Chaipi pailla saquirijpimi, shuj runaca achijyangacama Jacobhuan macanacurca.

Chaimi Jacobca chai pambataca: “Taita Diosta ñahui ñahui ricushpapish, manarajmari huañunichu” nishpa Penielta shutichirca.

Chai runaca Jacobta mana mishai tucushpa, changa mucupi huajtajpimi, Jacobpaj changa mucuca lisiarirca. Chashna cashpapish Jacobca macanacucurcallami.

Chaimi chai runaca: –¿Ima shutitaj cangui?– nijpi: –Ñucaca Jacobmi cani– nirca.

Jacobca paitapish: –Cunantajca cambaj shutita huillayari– nijpimi paica: –Ñuca shutitaca ¿imapajtaj yachasha ningui?– nirca. Shina nishpami chai runaca Jacobtaca chaillapitaj alli cashca cachun nirca.

¡Tucui caicunata quiquin llaquishpa cuna cashcata mana chasquipaj cajpipish cambajta ruraj ñucamanca cai tucuitami cushcangui! Ñucaca cai Jordán jatun yacutaca tauna caspita aisashcallami ch'imbashpa rircani. Ashtahuanpish cunanca ishqui mirgapi ch'icanyachishca animalcunatapish, runacunatapishmi charini.

Jacobpaj changapi huajtashpa lisiashcamantami, israelcunaca cunan punllacunacama ima animalpaj cajpipish, changa aichataca manataj micuncuna.

Chai q'uipami Jacobca: “Ñuca abuelo Abrahampaj, ñuca yaya Isaacpaj Mandaj Taita Dios, quiquinmi ñucataca: Cambaj quiquin llajtaman, cambaj quiquin familiapajman tigrailla. Ñucami cantaca maipipish cuidasha nircangui.

Ñuca huauqui Esaú shamushpa ñuca huarmicunata huahuacunandij huañuchinatami manchani. Cunanca ñuca huauquipaj maquimanta quishpichihuai.