Popular Bible Verses from GÉNESIS 21

Share

Mandaj Diosca pai nishca shinallatajmi Sara huarmitaca ricuj shamurca. Mandaj Diosca pai cusha nishpa ari nishca shinallatajmi pajtachirca.

Taita Diosca chai huambra caparijta uyarcami. Chaimi Taita Diospaj angelca Agartaca jahua pachamanta cayashpaca: “Agar, ¿imataj tucungui? Ama manchaichu, cambaj huahua caparijtaca Taita Diosca uyarcami. Jatari, cambaj churitaca maquimanta japishpa jatarichi. Ñucaca paimantaca jatun llajtatami rurasha” nirca.

Saraca paipaj cusa Abraham yuyaj cai pachapi chichushpami shuj c'ari huahuata huacharca. Chai huahuaca Taita Dios cusha nishca huata pajtajpimi huacharirca.

Sara huarmica cashnami nirirca: “Taita Diosmari ñucataca asichin. Ñuca huahuayuj tucushcata pipish uyajcunaca cushicushpami ñucahuan asingacuna.

Chaimi Taita Diosca, Abrahamtaca: “Chai churimantapish, cambajta ruraj huarmimantapish ama yalli llaquirichu. Cambaj huarmi Sara imallata nishcata rurailla. Isaacmanta mirarishcacunallami, cambaj huahua huahuacuna canga.

Cambajta ruraj huarmipi huacharishca churipish, cambaj quiquin churi cashcamanta paimantapish jatun llajtatami rurasha” nirca.