Popular Bible Verses from Mark 2

Share

E̩gba ku Jisus gbo̩ i ka ñwu ma kakini, Eku obochi ku abo kʼo̩la-ma gbiti n, chai abo ki acho̩ga. Omi wa kʼu do̩ abo̩kpakpa n, chai ame̩nadure.

Oñ abu ku Jisus li e̩do̩ ku ma konʼo, i ka ñw e̩no̩ga ekuto̩la le̩ kakini, O̩ma, ma tʼadure-we̩ no̩ me̩.

Tak i ka ñwu ma, kakini, Ma fʼo̩jo̩ uñmi che todu one̩, i chʼone̩ ma che tod o̩jo̩ uñmi n

Abu ku ma ma neke me̩rʼu todu o̩wo̩ amone̩ ki tinyo̩ jʼo̩mo̩ n, ma mʼojokunyi ugbo kʼi de̩ gudu; oñ abu ku ma fʼu kpo̩fo̩, ma mʼakpata kʼe̩no̩ga ekuto̩la le̩ dachi oji-wñ du lʼo̩mo̩ tane̩.

Ama todu ku me̩ ki ma ka kʼO̩ma One̩ chenʼo̩da ane̩ ile̩ kʼi atʼadure one̩ no̩ ñw u, (i ka ñw e̩no̩ga ekuto̩la le̩) kakini, Naka ñw e̩, kwane̩, mʼakpata-we̩ du kʼe̩ lo tʼunyi we̩.

Kali e-ki tukpo̩ eka ñw e̩no̩ga ekuto̩la-i, Ma tʼadure-we̩ no̩ me̩; abe̩ku Kwane̩, mʼakpata-we̩ du kʼe̩ lule̩?

Oñ i kwane̩, i mʼakpata-wñ du ababa, oñ i ledufu eju-ma chaka; todabe̩le̩ ibe-ma chaka mukpatuka, ma kwodojima ñw O̩jo̩ kakini, A li e̩wñ abe̩i mama ta n.