Popular Bible Verses from Matiu 19

Share

Oñ Jisus mʼeju korʼuma, i kakini, Ugbo amone̩ e̩wñ-i jʼache n, ama ugbo O̩jo̩ e̩wʼñ du jʼache.

Tod abe̩le̩ ama ño̩ chʼeji ge̩ n, chai o̩re̩laʼka. Todule̩ e̩wñ kʼO̩jo̩ fugwodama rʼoka, one̩ ki fʼu daru n.

Oñ i dohi ñwu ma kakini, Ame̩ cho̩kalatu ka kʼAnyi e̩wñ le̩ che ma o̩ko̩ kpʼo̩ya kwʼabakwane̩ n? I laño̩ kakini, Tod e-ki de̩ oñ one̩ atʼata-wñ kpʼiye-wñ no̩, tak i amanyʼo̩ya-wñ. Oñ ama meji achʼo̩re̩laʼka.

Ama Jisus kakini, Me̩ tʼabimo̩to̩ no̩, me̩ ki fu ma naba ku ma we ewʼugbo mi n; todu ojane̩ e-efojale do̩mo̩ ñw abo e̩go̩-i.

Abo o̩gba wewe muda achʼabo ubi otitala, oñ abo ubi achʼabo o̩gba.

Tak e̩ne̩ du kʼi tʼunyi abe̩k amo̩maye e̩ne̩ke̩le̩ abe̩k amo̩maye onobule̩ abe̩k ata abe̩k iye abe̩k amo̩ma abe̩k ane̩ uche̩ no̩ tod odu-mi agba ogume̩lu-wñ i ñʼaje̩ iñmi ogbegbele̩ e̩wñ ogu ge̩.

Taku Jisus ka ñw u kakini, Iche̩wñ ki dʼuwe̩ e̩do̩ kʼe̩ mufu, e̩ nyʼamʼane̩-we̩ ko ta, kʼe̩ mʼu ko ñw ame̩nale, tak uwe̩ anʼe̩wñ akoko efojale; tak e̩ lewa tʼumi ubi.

Oñ i ka ñw u kakini, E̩wñ chi kʼe̩ tʼumi ene o̩la e̩wñ e̩nyo̩? E̩ne̩ʼkate nyo̩. I la che̩wñ ki dʼuwe̩ e̩do̩ kʼe̩ gudu tef iñmi, e̩ nadejutʼo̩la uko̩ le̩.

Naño̩ dabi aka ñwu me̩ kakini, Inyakulumi ele gu awo ebije uge̩wñ du me̩ tʼanana egudu nyʼojane̩ e-O̩jo̩ le.

Omi muda aka ñwu me̩ kakini, E̩ne̩ du kʼi adʼo̩ya-wñ tinyo̩ ki ma chʼutod e̩wñ abutabu kʼi che n, kʼi nyʼanʼo̩ya omune̩, e̩ño̩ya i ache le̩; e̩ne̩ kʼi la ane̩ e̩ne̩ ku ma du tinyo, e̩ño̩ya i ache le̩.

Oñ Jisus ka ñw amako̩che̩-wñ kakini, Ami, naka ñwu me̩, ka kʼakanya i che ñw anana tak i agudu tʼojane̩ e-efojale.