Popular Bible Verses from Jo̩n 16

Share

U ko̩la e̩wñ kide̩ ñwu me̩ todu kʼame̩ ki nʼure̩do̩ efu mi. Me̩ nʼo̩bata ef ile̩-i, ama me̩ fe̩do̩ ne̩, omi fʼile̩ du me̩.

Ama e̩gba du kʼe̩ne̩ kʼu ka le̩ lewa, owñ chʼAfu e-ochochi, i adʼume̩ mʼo̩na ochochi chaka; todu i agʼe̩do̩la-wñ ako̩la n, chai e̩wñ du kʼi agbo̩ oñ i aka; e̩wñ ki awa i ñʼadu ka ñwu me̩ ge̩.

Gbogbo wʼifa-i me̩ bi e̩wñ du ef odu-mi ta n, me̩ bi, me̩ la agba, todu kʼuyo̩-me̩ ki chʼe̩kefu.

Ama, ochochi oñ omi aka ñwu me̩-i, i chenʼile ñwu me̩ todu kʼomi kʼu kwʼemi alo; todu iche̩wñ kʼu ma kwʼemi alo n, i nʼugbo du kʼE̩nugbe̩do̩ le̩ awʼugbo me̩ n; i la che̩wñ kʼu le nakpʼowñ wʼugbo me̩. E̩ne̩ le̩ la lewa i adʼo̩la adure kpai o̩la o̩kpakpa kpai o̩la ajo̩ bi abo ile̩.

Todule̩ ame̩ la chenʼe̩do̩dudu fa-i mana; u muda adabi ali me̩ ge̩, tak e̩do̩-me̩ ayo̩, e̩ne̩ du la adu uyo̩-me̩ kwugbo me̩ n. Tak ef o̩jo̩ kʼu naka-i me̩ ñʼatʼumi ene e̩wñ du n. Ami, ami, naka ñwu me̩, Me̩ bi Ata e̩wñʼka i adu ñwu me̩ ef odu-mi.

Ami, ami, naka ñwu me̩ kʼame̩ araku, me̩ la akʼeli oye, abile̩ la ayo̩, me̩ la che̩do̩dudu, e̩do̩dudu-me̩ le̩ amud uyo̩.