Popular Bible Verses from Abakwane̩ 37

Share

Jose̩f la fʼo̩na na, oñ i mʼu du ka ñw amo̩maye-wñ, taku ma kwochulaka-wñ tule.

Israe̩l la fe̩do̩ Jose̩f tʼamo̩ma-wñ du le, todabu kʼi chʼo̩ma kʼi bi o̩jʼogijo-wñ; oñ i fʼafe̩ e-kʼina-wñ chʼojoji ojoji ga ñw u.

Amo̩maye-wñ e̩ne̩ke̩le̩ cheli kʼata-ma afe̩do̩-wñ tʼamo̩maye-wñ du le; oñ ma chane̩ echulaka-wñ, ma la neke hi e̩do̩ wane̩ ako̩la ñw u n.

I ño̩ fʼo̩na omune̩ na ge̩, oñ i mʼu du ka ñw amo̩maye-wñ, i kakini, Go, omi ño̩ fʼo̩na omune̩ na ge̩; me̩ go, olu kpai ochu kpai awo me̩gwaka la jʼadʼoji kad ane̩ ñwu mi.

Tak amo̩maye-wñ lie̩na-wñ, ama ata-wñ mʼo̩la le̩ du tʼef ibe-wñ.

I ka ñwu ma kakini, Me̩ agba, gbo̩ o̩na kʼu na-i: todu me̩ go, awa jʼoko aji oti o̩ka, oñ go, oti-mi kwane̩, i kwodago kpakpa; me̩ la go, oti e-me̩ donyʼu, oñ ma dʼoji le̩ agwa oti e-mi.

Me̩ lewa fai kʼa mʼu du kpa, kʼa mʼu du rikpolo tef o̩fe̩ʼka; tak a akakini, E̩wñ iñmi e̩bie̩ne̩ʼka fʼu kpa je̩, tak a ali abu kʼo̩na-wñ ache̩.

Tak abo Midian ku ma chʼamanyaja alale; ma la fu Jose̩f fa kwef o̩fe̩ le̩ dufu, oñ ma mʼu du ta ñw abo Ishmae̩l le̩ la o̩ko̩ ajifa ogu. Tak ama le̩ mu Jose̩f du wa ane̩ Ijipti.

Oñ ma ko̩la ñw o̩la-ma kakini. Go, ano̩na-i awa me̩.

Ma la fʼowñ li o̩najiji, gbogbo tak i me̩ru ma mafʼalu jo̩nyʼu kumafʼu kpa.

Taku Rube̩n ka ñwu ma kakini, Me̩ ki dʼe̩bie̩ dafo n; mʼowñ du rikpolo tef o̩fe̩ ki dʼef aje̩tachi-i; me̩ ki muda dʼo̩wo̩ kadʼowñ n; todu kʼi li uña kʼi mʼowñ gba kwef o̩wo̩-ma (oñ i ka-i) kʼi mʼu du dabi wa ñw ata-wñ.