Popular Bible Verses from Luka Enjil 6

Share

Tidirwe tirtakkirunna jiradilo. Asedi adel eyebul shondibul bogbul wer inna ogirro bibogtakkikanin. Mine inn asediged teran irgi bassidirran.“

Zol sere tenna ana hazin Bererton seregidti aosin. Wide zol mili tenna ana hazin milirton miligidti aosin. Mine ana eyegrarroton teran agil abainin.“

Wide seregidton ewirtigongi tidder awwe, widegrarki urumen. Mani wattigi inna kere bidulanin. Widegon dogondina toniandun. Mine ter adelum shukurkiyichigodon wide milichigodongon.

A jagadkonianwe, inn abo indogochir a jagadkol en nawite.“

„Gadiemenwe gaditakkimendunna jiradilo. Wakewe wakitakkirunna jiradilo.

„Ama ai irgi awetidirrin, wo agijrili, inna aduwichigi dolirwe. Irgi atisiligi soke tidirwe. Irgi anāleligi barkeirwe, wide irged miligi aawiligi salitidirwe.

Ir werisrun nawre zoli irgi awtidirrangi, ikke irgon tirged awwe.

Ekki jakumdogor jomilgi owittigi dairetir. Wer on enna tagredigi arekkin, gobirmen enna kadertongon. Ekki isigil malegon tiru. Endanilgi arilgongi isigmen.

„Bettin bura adel wer dife us wekki bosmunum. Wala bettin bura us wer dife adel wekki bosmunum.

Bettin umbu nutin tenna diferton biyirtakkin. Kadirton tinkirigi adetirana? Wala bulasirton enebki?