Popular Bible Verses from GÉNESIS 37

Share

Joseca shuc muscuita muscushpami, paipac huauquicunaman parlarca. Chashna parlacpicarin, ashtahuanmi mana ricunayachirca.

Taita Israelca Josetaca ña yuyac cashpa charishcamantami tucui huauquicunata atishpa ashtahuan cuyac carca. Chaimantami paimanca tucuilaya color sumac jahualla churanata ruhuarca.

Taita Israelpac caishuc churicunata paicunata atishpa, Joseta ashtahuan cuyac cashcamantami Josetaca mana ricunayachishpa, piñashcalla parlac carca.

Joseca cutinllatac shuc muscuita mushcushpa, paipac huauquicunaman parlashpaca: —Cutinmi shuc muscuipica caita ricurcani: Intipish, quillapish, chunga shuc lucerocunapish ñucapac ñaupapimi cumurirca— nirca.

Paipac huauquicunaca piñashpami, mana ricunayachirca. Cutin taitaca cai muscui imata nisha nishcatami yuyacurcalla.

Chai muscushcata pai parlashpaca: —Cunanca, ñuca muscushcata uyaichic: Ñucanchicca trigo chagra chaupipimi trigota huatacushcarcanchic. Chashna huatacucpimi, ñuca huataica jatarirca. Cutin cancunapac huataicunaca ñuca huataipac ñaupapimi muyundita cumurirca— nirca.

Cunanca, paipac muscushca pactacta ricungapac huañuchishpa, jutcupi shitashunchic. Shina huañuchishpaca taitamanca: “Ima sacha animalcunami micushca canga” nishunllami— nircacuna.

chai catushpa, randishpa puric madianitacuna chaita pasacucpica, Josetaca jutcumanta llucchishpa, ismaelitacunaman ishcai chunga cullquipi catungapac apamurca. Chashna catucpica, Josetaca Egiptomanmi aparca.

Chashna yuyarinacushpami, caishuc chaishuc parlanacushpaca: —¡Riquichic, muscuc huambrami chaita shamucun!

José paicunapacman manarac chayashpa, carupi cacpiracmi, paicunaca huañuchinata yuyarinacurca.

Ñucanchic huauquitaca ama yahuarta jichaichicchu. Cancunapac huauquitaca imata mana ruhuanachu canguichic, ashtahuanpish shitashca pambapi tiyac jutcupi shitaichic— nircapishmi. Rubenca paipac huauquicunapac maquimanta quishpichishpa, taitapacman cutichingaraicumi, chashnaca nirca.