Popular Bible Verses from Джиибэ́н 6

Share

И Рай Дэвэ́л лыя́ тэ тангинэ́л (тэ жалинэл), со создыя́ манушэ́с пэ пхув, и Ёв лыя́ тэ тугинэл дро Пэ́скиро ило́.

И Рай Дэвэ́л дыкхця́, со мануша́ лынэ́ бут тэ кэрэ́н фуипэ́н пэ пхув, со сарэ́ лэ́нгирэ думки и илэ сыс холынакирэ пэ кажно дывэ́с.

Нэ Ноё латхя́ бахтякирибэ́н анги́л Ра́скирэ-Дэвлэ́скирэ якха́.

Ѓа́да, исын лав пал Ноёскиро ро́до: Ноё сыс чачуно́ ману́ш и би грэхоскиро дро пэ́скиро ро́до, Ноё псирдя́ дро екхипэ́н анги́л Дэвлэ́стэ.

И пхэндя́ Рай Дэвэ́л: “Мэ хасякира́ва манушэ́н пхувья́кирэ мо́стыр, савэ́н Мэ создыём, манушэ́стыр кэ кхэри́тко мурда́л (ското), и цапнен и болыбна́скирэ чириклен пэ болыбэ́н, пал-дова́ со Мэ тангинава, со лэн создыём.”

И сыс адя́кэ, ке́ли мануша́ пэ пхув бия́ндынэ (лотинэ) буты́р, и лэ́ндыр бия́ндынэ чхая́, то Дэвлэ́скирэ чхавэ́ дыкхнэ́ манушэнгирэн чхае́н, со ёнэ сыс шука́р, и лэнас лэн палоро́м, савья́ кон выкэдыя́. И пхэндя́ Рай Дэвэ́л: “На саро́ джиибэ́н ману́ш тэ на рискирэ́л годы́ пэ Миро Ду́хо (Фа́но) [на ўса́ды/на сак (всегда) Мирэ́ Духоскэ тэ дживэ́л дрэ манушэ́стэ-ю.о.]; пал-дова́ со ёнэ исын лоч (плоть); мэк тэ дживэ́н ёнэ шэл тэ биш бэрш.” Дрэ долэ́ дывэса́ пэ пхув сыс древа́н вучэ́ мануша́, буты́р одолэ́ часостыр, сыр Дэвлэ́скирэ чхавэ́ лынэ́ тэ псирэ́н кэ манушэ́нгирэ чхая́, и ёнэ лынэ́ тэ биянэн лэ́нгэ. Ёнэ сыс зоралэ́, ґаратунэ́, славутна мануша́.

И Ноё саро́ кэрдя́, сыр Дэвэ́л лэ́скэ припхэндя́, адя́кэ ёв и кэрдя́.

И Дэвэ́л пхэндя́ Ноёскэ: “Анги́л Ма́ндэ кажнонэ́ лочакэ явэ́ла ко́нцо (яго́ро); пал-дова́ со пхув пхэрдия лэ́нгирэ нахратонэ рэндэ́нца (злодеяниенца). И ґа́да, Мэ хасякира́ва лэн пхувья́тыр.

Кэр пэ́скэ гоферытконэ вэшэ́стыр ковчэго (баро́ мохто́); кэр коморки дро ковчэго, явре́стыр и андра́л обмакх лэс смоласа.

И Дэвэ́л дыкхця́ пэ пхув и, ґа́да, ёй сыс хасибны́тко: пал-дова́ со кажно лоч (плоть) лыя́ тэ кэрэ́л бипатывалэ рэ́нды (де́лы).

Адя́кэ-паць залыджа дрэ ковчэго кажнонэ́ мурдалэ́ндыр и кажнонэ́ лочатыр пир дуй, соб (кай) ту́са ёнэ тэ ячэ́нпэ джидэ́: мэк ёнэ тэ явэ́н муршканэ́ и джувликанэ родо́стыр.