Popular Bible Verses from Iáno 17

Share

Ker len sventonenca Tyré čačipnása. Tyró lav isyn čačipén.

A viéčno džiibén isyn dro dová, sob (kaj) te džinén Tut, Jekhés Čačipnaskire Devlés, i Isusós Xristosós, Saves Tu bičhadian.

Ne Me mangáva na pal jekhende lénde, ne i pal odolénde, savé patiána dre Mánde pir léngiro lav; sob (kaj) jone te javén saré syr jekh, syr Tu, Dádo, san dre Mánde, i Me som dre Túte, adiáke-pac' Me i jone te javén dre Aménde, mek te upatial svéto, so Tu bičhadian Man.

Me na mangáva, sob (kaj) Tu te les len svetóstyr, ne sob (kaj) Tu te prirakhes len čoripnástyr

I bari patýv, saví Tu dyján Mánge, Me dyjom lénge: mek te javén jone pal jekh, syr Ame sam Túsa jekh. Me som dre lénde, i Tu san dre Mánde; mek jone te javén skedyné dro jekh, i mek svéto te džinél, so Tu bičhadian Man, i so Túke jone isyn dróga, adiáke-pac', syr i jone jačné dróga Mánge.