Popular Bible Verses from Ioane 3

Share

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Anyin a ca kunâ bi Khong Nokon ka hnyi hmeledrany he ka ohnaûhangoâ hmeledrany; ke so bi he ka omelö hmeledrany a deny e.

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Adre me ca ohnaûhangoâ at ame labageju kâu: kʼ adre hia but ohnaûhangoâ walang ang at ame ca labageju, anyin a e ame ca hia but labageju ka ien Nokon Khong a khaca.

Ke walang hnaûhango, a ga o but melam ka hnyi hmeledrany, ke weny bi tavat menekholom hon melam; anyin ae kong ut hwakecidra.

E ame he ka gan tot, ke oge me he bi nya ka ûhnyûkong tot.

Anyin ame hûkö-tiâ melam hnen at ame mâdrâ monu, kʼ ame ca he bi thö ka hnyi melam, wâ e nye manen dut anyin ta je huliwa.

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Haba Mose ame ogöranyâ on hnyi hnyebuba, ke helâe adre me he ka ogöranyâ Nokon at

Haba Kamen ame betenge ka Nokon, kʼ ame hna ta je ûnyi hia ka hnyi li hnyamen.