Popular Bible Verses from Genese 39

Share

Ke tha Iehova me Josefa, ke e at ae sot; kʼ ame laba hnyi hnyaban at Aigupito a tuhan.

Me e ame hna biju anyin ta je ûnyi hia kö Josefa; ke ca khana e anyin ke ûnyi bi, ke so jeû e ame han. Ke so hmainy unyi Josefa, ke hmanenang ka wâ.

Ke haba tuhan uma ceat ame hna kö Josefa tavat hia adre ca hnyin uma ceat; ke haba ta je huliwa hia ödrin e ânyâ eling, me e at ame musö.

Ke haba tuhö Josefa ame hom e me ip eiö hnyin uma ceat unyin tavat adre ca ûnyi ge than: ke e ame laba eiö hnyin uma ceat. Ke tha Jehova me Josefa, kʼ ame betenge gan, me okûâ he ka betenge gan hnen tuhan uma ceat.

Ke hwaban e ame hinoutmhâkâ e hnen âiân tuhan; kʼ ame ha kâu momo, ka habe, Ötu he ka tha mokut. Ke e ame höcö, me ha ka âiân tuhan, ka habe, Wâ bi, E ca khana tuhök ta je ûnyi unyik hnyi uma; kʼ a hia but hna hia anyin ta je ûnyi könya; ke ba at ae beönua huk hnyi hnyaba eang; ke e ame ca behânâ gak ke ûnyi ke u thiju, anyin a u bi âiân: oge ma hawa ka ânyâ monu e ae gan, ke kong ka Khong?

Ke hnyi ke bong eling e ame didrö eiö hnyin uma ka ânyâ hûdrân; ke ba aten hnyaba eiö hnyin uma. Ke momo ame kât ûkhaûen, me ha, ka habe, Ötu ma tha mokut: ke e ame hna degecâ ju ûkhaûen hnyi hnyamen me kec ut.