Popular Bible Verses from YA NTHANDI 5

Share

Ne mi tuꞌu̱ nꞌar ꞌraꞌyo thuhu, mi embabiꞌu̱ ar tsi Ntxönandöni: Nuꞌge go di ꞌñepꞌaꞌi gi hñönga ar ꞌba̱xa he̱ꞌmi ne gi ꞌyo̱ꞌspa yá mꞌa̱tꞌi tu, ngetho bi nhöpꞌa ri ji bi thoꞌaꞌi, ne ga tsingagihe yá me̱tigihepya Jö. Ga ju̱gagihe hagatho ya mꞌu̱i, ya hñö, ya hnini, ne hagatho ya ha̱i ꞌbu̱ hár nxidi ar ximha̱i.

Ne xa mi mafi mi eñꞌu̱: Ar tsi Ntxönandöni bi tho, di ꞌñepabi da hñönga ar nsu ngu ar ndö, ya ñho, ar hoga mfödi, ar tsꞌe̱di, da tꞌeꞌspa ár nsu, da tꞌumba ar nsunda ne ar nsa̱di.

Ne xka ꞌñexkagihe ga pe̱fe Jö, dar ndöhe ne dar möjöhe, ne ga ndöhe har ximha̱i.

Ne gatho nu maꞌra xi hyoka Jö bi ñö nꞌehe, nuꞌu̱ bi ꞌbu̱ mhetsꞌi, nuꞌu̱ ꞌbu̱ har ximha̱i, nuꞌu̱ ꞌbu̱ mbor ha̱i, nuꞌu̱ ꞌbu̱ har dehe ne nuꞌu̱ ya zuꞌwe ku̱nu̱. Da o̱de bi ꞌñeñꞌu̱: Dá nsa̱ta Jö togo huxa har thuxandö, ne dá nsa̱ta ar tsi Ntxönandöni. Dá tꞌeꞌspa ár nsu, dá tꞌumba ar nsunda. Dá mhö pe̱ꞌsa ar tsꞌe̱di hiñhamꞌu̱ da götsꞌi.

Nꞌa nuya tsi dönzia bi ꞌñengagi: —Yo gi zoni. Nöꞌö togo ar Ndö tꞌembabi ar ꞌMuhu, xpa po̱nga ha yá mëni ar Huda ne ár ꞌbe̱to ar ndö Dabi, nunu̱ go xi ntöte. Jange di ꞌñepabi da ꞌyo̱ꞌsa nuya yoto ya mꞌa̱tꞌi, ne da xotꞌa ar he̱ꞌmi.