Popular Bible Verses from NSAN LUCA 10

Share

Y nugui stá ꞌraꞌahʉ ra tsꞌɛdi pa gui nethʉ ya quꞌeña̱ ne ya penzʉ, ne pa gui ta̱pabihʉ gatho rá tsꞌɛdi ra tsꞌonda̱hi, nsinque te da ꞌyøꞌtꞌahʉ.

Pe nura Jesu bi ꞌñembabi ra Marta: ―Marta, xi guí xøna ri ꞌbɛfi ne guí tu ri mʉi ngueꞌa̱ ndunthi ri ꞌbɛfi, pe hønsɛ ꞌnara ꞌbɛfi mahyoni gui ꞌyøtꞌe, ngu nuna hoga ꞌbɛfi xa huahna ra Maria, y hinda za toꞌo da hña̱cuabi.

Nura xahnate de ra ley bi da̱di ne bi ꞌñena: ―Ena njaua: Ma̱di Ajua̱ ri Hmu bí ꞌbʉ mahetsꞌi con gatho ri mfeni, con gatho ri coraso, con gatho ri tsꞌɛdi, ne con gatho ri mʉi, ne ma̱di ri miquꞌeiui ne gui su ngu grí nsu sɛhɛ.

Ne bi ꞌñembabi: ―Xi majua̱ni dí xiꞌahʉ, xi ndunthi ra sofo pe tsꞌʉtho ya xofo. Hangue ꞌyaphʉ Ajua̱ núꞌa̱ toꞌo rá mɛti ra sofo dua pɛhna ndunthi ya mɛfi pa da gʉꞌtsua rá sofo.

Nu mi uadi ra Jesu bi ma̱nga njabʉ, bi ꞌyamba ra xahnate de ra ley ne bi ꞌñembi: ―De núꞌʉ hñu ya ꞌñøhø, ¿toꞌo ꞌna de gueꞌʉ mrá miquꞌeiui xi majua̱ni núꞌa̱ ra ꞌñøhø xqui thaqui? Nepʉ nura xahnate de ra ley bi ꞌñembabi: ―Núꞌa̱ toꞌo bi nja rá nthecate de gueꞌa̱. Nuꞌbʉ́ nura Jesu bi ꞌñembabi: ―Ha̱ha̱, gueꞌa̱ mahyoni gui ꞌyøtꞌe nehe.

Y nubyá nuꞌahʉ ma ga pɛhnꞌaꞌihʉ gui maha ngu ya zi dɛti madetho de ya miꞌño, hangue xi da nsuhʉ.