Popular Bible Verses from Lu̱ka̱ 11

Share

Ming e̱e̱ggi̱nnu̱ niga olli mu̱nye̱nu̱ nu̱nu̱n, a̱gga̱yyu̱ niga muci cik abunna anyikku dooli ciggo̱k, anyike atin Be̱e̱ti̱nno̱ng wa aave ta̱mu̱-kenga ko̱ Vongiz ci A̱li̱le̱ ol wak a̱jji̱n nonno ko̱ ku̱?”

“Kar zin anna ka̱nne̱kku̱ng ne: I̱jji̱nne̱t kar atin kanyoziung; orongit, ovvo atin niga amudannu; oṯokṯowanit tatug, okko atin o̱o̱ye̱ ngatinno̱ng.

Eci ming a̱jji̱nne̱ e̱e̱ti̱ imma, anyonik nonno; okko e̱e̱ti̱ ci orongi, amuda; kar e̱e̱ti̱ ci oṯokṯowan tatug, okko tatug o̱o̱ye̱.

Izek zin enne nogo ne, “Ming alawinu niga, izet ne: “‘Baba, a̱li̱le̱ zara cigunnek, anyik ba̱a̱li̱ne̱t cunne aave ta̱mu̱-kenga ki̱ki̱ya̱k lo̱o̱c.

Laleit agit ba̱ci̱no̱we̱, eci naga bu̱k kalaleka e̱e̱t ci ogonikket agit mu̱nye̱n. Ma anyike mu̱nye̱n kitimanteta.’”

Inyet agit da̱i̱ne̱t odohize.

Een ebere cigunnek tukulec ci ele cunne. Ming abunna i̱nne̱t ebere, okko bo̱do̱k ele cunne do̱o̱k anyak tukulec. Ma̱i̱je̱ ming gerze i̱nne̱t ebere, okko ele cunne do̱o̱k anyak mu̱hu̱ri̱te̱n.

“I̱llo̱i̱ e̱e̱t imma ci atukulek urez kar zin karik nginti a̱lu̱gnye̱, icima arik í̱jjó̱ ecito. Abarik arike enne nginti abilne, kar abunna ol cik i̱i̱zo̱ ce̱e̱z kicinnet tukulec.