Popular Bible Verses from Jon 13

Share

Kar bo̱do̱k Ye̱su̱ kize ne, “Ka̱a̱nyu̱ng i̱yo̱ko̱ ti̱lo̱wi̱ne̱t ci een jor ci azi ne, irezto e̱le̱tti̱ niga do̱o̱k, ki baling kirezzung anna i̱ge̱t ke̱. Ming irezonnu niga do̱o̱k e̱le̱tti̱, ovvo atin ol a̱gga̱ ming e̱e̱ggi̱nnu̱ niga nuyak cigannik.”

Icinnet, ke̱e̱ni̱ De̱me̱zo̱i̱t ki Manyi cunno̱ng kutunya zo̱o̱ cuggo̱k, abunna ming u̱u̱nyyu̱ zo̱o̱ cik gonogginnu ki bali anna ke̱. Ki̱ye̱le̱u̱ng zin anna i̱ge̱t gool ci ogonnu kaal, abunna ming ogonnu ki bali anna ke̱.

O̱bo̱de̱k zin Ye̱su̱ nonno, izek ne, “Iróng zoz necu i̱i̱zo̱ oo cunne, okko atin i̱nna̱ a̱gga̱ vu̱rrta̱.”

Ka̱du̱wa̱kku̱ng zoz wa een de̱de̱, i̱llo̱i̱ du̱ca̱i̱t ci a̱ddi̱ki̱re̱ ngati e̱e̱t wa a̱li̱ngli̱ngngo̱ni̱k enne, iróng bo̱do̱k e̱e̱ti̱ wa een to̱ni̱a̱t ommog e̱e̱t wa i̱tto̱n nonno.

I̱yo̱ko̱ a̱gga̱yyu̱ zoz necu ko̱, atalninnu atin niga oroot, a̱mu̱yu̱kku̱ng atin Ta̱mu̱ta̱dde̱n ming u̱tu̱gu̱zzu̱ zoz necu.”

Itinga zin enne je̱e̱na̱ ngati adaine, kar zin kaara ru̱u̱m wa atadizek gooni eliye cinne ko̱, kar zin ku̱lu̱ce̱k ru̱u̱m wa ka̱vu̱cvu̱ca̱ne̱ maam eliya ko̱ arut. Bali vu̱rrta̱, u̱ddu̱te̱k zin enne maam u̱gge̱ illac kar zin kutuny nuyak waginnek zo̱o̱, kar zin ku̱vu̱cvu̱ca̱n maam zoone cigge̱k kodoit ru̱u̱me̱ wanai a̱lu̱ce̱k enne barak ke̱.