Popular Bible Verses from Kananet 39

Share

Aave da̱ Manyi ki Yosevo kar enne ku̱tu̱gu̱ kaal ju̱rru̱m, kar enne ka̱vvu̱ ce̱e̱ze̱ ci ddi̱ki̱ryo̱i̱t ci Masiro.

Utungek zin kaal cik anyak enne ko̱ do̱o̱k kize cik azunne Yosevo; a̱gga̱m Yosevo kaal do̱o̱k iróng Potiphar ngen edeconike kaal ciginnek kize da̱i̱ne̱t cik adak enne do̱ niko. Een da̱ Yosevo lo̱gu̱t ci alina oroot

Aanyik zin ddi̱ki̱ryo̱i̱ti̱ ci lagamo Yosevo kize ci azunne ol cik e̱ce̱bje̱ do̱o̱k ki kaal cik ogon ol nginati.

Uwe zin ddi̱ki̱ryo̱i̱ti̱ Yosevo kar kaarik lagam, nginti e̱ce̱bi̱ne̱ ol cik ce̱e̱z ci alaano. Baling ngen Yosevo aave lagama, aave da̱ Manyi ki nonno; i̱ye̱le̱k zin enne nonno bunnat kar kanyik ddi̱ki̱ryo̱i̱t ci lagamo kirez Yosevo oroot.

imma baling edeca enne i̱i̱nya̱ u̱gge̱, i̱ta̱k zinin ci ngaa ci Potiphar Yosevo, kar kizek ne, “I̱jja̱ tangu ki annita!” Ma̱i̱je̱ Yosevo abure. Izek zin enne nonno ne, “Ki i̱yo̱ko̱ ming ke̱e̱ni̱ anna ci kazunne ce̱e̱z ci manyi cinanni ko̱, aanya enne annit kicin kaal cik ce̱e̱z cinne do̱o̱k. I̱llo̱i̱ e̱e̱t imma ci ommogja annit ce̱e̱ze̱ cu. Aanya ddi̱ki̱ryo̱i̱ti̱ cinanne ka̱gga̱m kaal do̱o̱k ce̱e̱ze̱ cinne, iróng zin anna ke̱e̱ni̱ ddi̱ki̱ryo̱i̱t cunne eci i̱nna̱ e̱e̱ni̱ ngaa cinne. Kogonni wo̱ye̱ anna gi̱i̱ ci gerze ko̱ kar ku̱tu̱gu̱ mu̱nye̱n ngu̱me̱ ci Ta̱mu̱ta̱dde̱no̱?”

Imma i̱i̱te̱n imma, i̱tto̱ Yosevo ce̱e̱z ci ddi̱ki̱ryo̱i̱t cinne okko a̱li̱ngli̱ng li̱ngli̱ngo̱n kiwagon odohize, i̱llo̱i̱ da̱ du̱cca̱k ca̱a̱to̱. A̱gga̱m zin ngaa ci ddi̱ki̱ryo̱kto̱ ru̱u̱m ci Yosevo kar kize ne, “Tanguyan!” Imma ngatu, utungek enne ru̱u̱m cinne a̱zzi̱t ci ngaa neci kar ki̱vi̱ra̱ re̱e̱nu̱n ce̱e̱ze̱ neci.