Popular Bible Verses from Kananet 32

Share

Ize zin e̱e̱ti̱ neci ne, “Iróng zara cigunnek bo̱do̱k ngen een Ya̱ko̱bo̱, abarik anyik zar cigunnek kizeto Israil, eci i̱nna̱ ocodou ki Ta̱mu̱ta̱dde̱n ki bo̱do̱k ol, ommogu zin i̱nna̱ nogo do̱o̱k.”

Ize zin e̱e̱ti̱ neci ne, “Inya kuwo, aala looci.” O̱bo̱de̱k zin Ya̱ko̱bo̱ nonno a̱nne̱k ne, “Iróng atidic anna kaanyi bito ming ngen i̱nna̱ ma̱yu̱wa̱n.”

Erahek zin Ya̱ko̱bo̱ do̱, ocodo zin e̱e̱ti̱ imma ki nonno kaal, kaala looci.

Akatek zin Ya̱ko̱bo̱ zar cik ngin neci kize ne, Peniel kar kize ne, “Eci anna kicinna ngu̱m ci Ta̱mu̱ta̱dde̱no̱, kar i̱yo̱ko̱ ngen anna karugi.”

Baling icin e̱e̱ti̱ neci iróng enne ngen uule Ya̱ko̱bo̱ codonta, alaca zin Ya̱ko̱bo̱ vanoc.

I̱jji̱n zin e̱e̱ti̱ neci nonno, “Azi zar cigunnek ngene?” O̱bo̱de̱k zin enne a̱nne̱k ne, “Ya̱ko̱bo̱.”

Ize zin Ya̱ko̱bo̱ ne, “Du̱wa̱ka̱ bai zar cigunnek ke̱.” Ma̱i̱je̱ enne o̱bo̱de̱k azi ne, “Nya ming a̱jji̱nni̱ i̱nna̱ zar cigannik ko̱?” Kar zin enne ku̱mu̱yu̱k Ya̱ko̱bo̱.

Iróng wo̱ye̱ kaganona ki bunnat ki zoz ci azunne i̱nna̱ i̱ye̱le̱k du̱ca̱i̱t cunne. Kanyai ba̱li̱ye̱ ki̱ri̱ ci komtine baling ngen kettedi moro ci een zara Jordan. Imma i̱yo̱ko̱ kanyai koolen ram cik ollu ki kaal.

Okko zin rok i̱yo̱ko̱ iróng olli Israilo adak i̱di̱ng ci aave vanoca ci kaalu zo̱ze̱ bali i̱i̱na̱k Ya̱ko̱bo̱ ke̱.

Ala zin Ya̱ko̱bo̱ Manyi, “Ta̱mu̱ta̱dde̱n ci baba Aburaham ki ci baba I̱sa̱ko̱, Manyi bai, ngene ci bali a̱nne̱ka̱ annit ne, ‘Mi̱re̱ bit o̱rge̱ cunne ki boor cunne, kar atin kaanyi i̱nne̱t kaal cik meelek,’

Kalaye, eelawa annita Ta̱mu̱ta̱dde̱n a̱tte̱ ci gotononna I̱sa̱u̱, eci anna ko̱ngo̱o̱le̱ okko atin enne a̱ru̱ka̱ annita, ki e̱e̱ti̱k doolinnu ki dooli cigge̱k.